Sport

Dortmundi hap ‘derën’ që Bellingham të largohet në vitin 2023, por me kusht…

Sipas ‘The Sun’, skuadra gjermane do ta shiste lojtarin te klubi që është në gjendje të paguajë 93 milionë cash...

25 Shtator 2022, 16:06 Nga DOSJA

Dortmundi hap ‘derën’ që Bellingham të largohet

GJERMANI - Jude Bellingham, 19 vjeç, do të jetë një nga emrat e mëdhenj në tregun e transferimeve verën e ardhshme. Real Madrid, Manchester United, Liverpool, Manchester City dhe Chelsea janë skuadrat e interesuara për mesfushorin anglez. Klubi i tij, Dortmundi, nuk do t'i lehtësojë gjërat dhe tashmë ka paralajmëruar, se kushdo që e dëshiron lojtarin duhet të paguajë 150 milionë euro. Edhe pse ‘The Sun’ zbulon se ky çmim mund të ulet ndjeshëm. 

Sipas gazetës britanike, Dortmundi është i gatshëm të pranojë 93 milionë euro për  Bellingham. Sigurisht, 93 milionë cash, me një pagesë të vetme. Një kusht që sot është i vështirë për klubet që duan ta marrin mesfushorin.

Real Madridi e ka ndjekur Bellinghamin prej disa kohësh dhe e sheh atë si zëvendësuesin ideal të Modric në mesfushë. ‘Los blancos’ ka marrëdhënie shumë të mira me Dortmundin dhe duket se lojtari e mirëpret ardhjen e tij në ‘Bernabeu’.

Nga Anglia, megjithatë, theksojnë se Liverpool është përpara në këtë garë, ndonëse ‘The Sun’ siguron se City po fiton terren. Gazeta angleze shpjegon se Bellingham ka një miqësi të madhe me Haaland dhe takimi me të sërish në City, mund të jetë një nxitje që ai të zgjedhë të nënshkruajë me skuadrën e Guardiolës.

B.T (Dosja.al)

Sondazh

Poll