Aktualitet

Vdekja e Mbretëreshës Elizabeth, Princ Leka publikon foton me Nënë Terezën: Mentore për këdo në monarki

Po ashtu leka shkruan se Elizabeth II ishte dëshmi i gjallë e mishërimit të sovranitetit kombëtar në aspektim më përbashkues. 

8 Shtator 2022, 23:05 Nga I.A
Vdekja e Mbretëreshës Elizabeth, Princ Leka publikon foton me
Nene Tereza dhe Mbreteresha Elizabeth II

TIRANË- Princ Leka ka reaguar për vdekjen e Mbretëreshës Elizabeth II. Me anë të një postimi në Facebook, Leka ka publikuar një foto të Mbretëreshës që ka dekoruar Nënë Terezën në vitin 1983. Po ashtu leka shkruan se Elizabeth II ishte dëshmi i gjallë e mishërimit të sovranitetit kombëtar në aspektim më përbashkues. 

Postimi i Lekës:

Madhëria e Saj, Mbretëresha Elizabeth II, prehet sot në paqe pas më shumë se 70 vitesh në shërbim ekskluziv të shtetit, të popullit britanik dhe të 14 kombeve të Commonëealth anembanë rruzullit që e njihnin për sovranen e tyre. Dëshmi e gjallë e mishërimit të sovranitetit kombëtar në aspektin e vet më përbashkues, Elizabeth II përfaqëson mesazhin e pakohshëm të vazhdimësisë së shtetit, të Kurorës, që qëndron i palëkundur me përkushtim dhe vetëdije përballë sfidës dhe pasigurive. E lidhur prej gjakut, ndonëse prej së largu, me Mbretëreshën Geraldinë, ajo do te mbetet një mentor për këdo aspiron t’i shërbejë interesit kombëtar, kudo ku ndodhet, dhe madheshtisë së shtetit që është streha dhe mburoja e shoqërisë. Më pëlqen që këtë homazh ta shoqëroj me fotografinë e çastit intim kur Mbretëresha dekoroi shqiptaren e madhe Nënë Terezën me Order of Merit, në vitin 1983. Zoti e pranoftë në mëshirën e tij dhe i priftë mbarë Madhërisë së Tij Britanike, Mbretit Charles III.

princ leka vdes mbreteresha elisabeth ii

Sondazh

Poll

MË SHUMË