Aktualitet

Çuçi: Irani do kundërpërgjigjet, jemi shumë vigjilentë, kemi përforcuar mbrojtjen

Ministri tha se pas sulmeve kibernetike, tashmë ka një mbrojtje të shtuar digjitale.

8 Shtator 2022, 21:53 Nga F.M
Çuçi: Irani do kundërpërgjigjet, jemi shumë
Ministri i Brendshëm, Bledi Çuçi

TIRANË- Ministri i Brendshëm, Bledi Çuçi tha se ekziston një mundësi që Irani të kundërpërgjigjet pas shkëputjes së marrëdhënieve diplomatike. I ftuar në Top Story, Çuçi tha se Shqipëria është vigjilente. Ai shtoi se tashmë ndihen më të sigurtë, pasi Shqipëria është pjesë e NATO-s. Ministri tha se pas sulmeve kibernetike, tashmë ka një mbrojtje të shtuar digjitale.

“Ne jemi shumë alert (vigjilentë), pas sulmit të fundit i kemi përforcuar edhe filtrat mbrojtës të asaj platforme digjitale, për të ndërvepruar si qeveri, por në një klimë të tillë ne do të jemi alert padiskutim, është një veprim që nuk është i lehtë për t’u marrë, por ndihemi shumë të sigurt sepse jemi pjesë e aleancës më të fuqishme siç është NATO dhe shteteve anëtare të NATO-s. ne kemi partneritet nga partnerët strategjikë, kemi partnerë të ngushtë, na kanë ndihmuar edhe ekspertë të FBI, kopnkluzioni i arritur pas sulmeve që i janë bërë Shqipërisë muajt e fundit kanë qenë agjencitë shtetërore iranine,"- tha ministri.

bledi cuci

Sondazh

Poll

MË SHUMË