Sport

Pas sanksioneve të FIFA-s, Rusia zbret në fushë për të parë veten…

Më 24 shator ajo do të luajë një ndeshje miqësore në Kirgistan, shtatë muaj pasi u pezullua për shkak të fushatës ushtarake të Rusisë në Ukrainë. Mendohet që në nëntor do të luajë edhe kundër Iranit…

7 Shtator 2022, 15:03 Nga DOSJA
Pas sanksioneve të FIFA-s, Rusia zbret në fushë për të
Trajneri i kombëtares ruse, Valeri Karpin

RUSI - Kombëtarja e Rusisë nuk ka luajtur asnjë ndeshje zyrtare, që kur u dënua të mos zhvillonte as ‘play-off’-in për Kupën e Botës. Ajo do të kthehet në fushat e futbollit më 24 shtator, për një ndeshje miqësore në Kirgistan, shtatë muaj pasi u pezullua nga FIFA dhe UEFA për fushatën ushtarake të Rusisë në Ukrainë.

Ndeshja miqësore do të luhet në kryeqytetin e Kirgistanit, Bishkek, pas së cilës mendohet që në nëntor rival i skuadrës ruse do të jetë Irani, megjithëse data nuk dihet ende. Federata Ruse e Futbollit i ka shpenzuar muajt e fundit në kërkim të skuadrave për t'u përballur, pas sanksionit që i pengon ata të luajnë në Kupën e Botës në Katar dhe Ligën e Kombeve.

Fillimi i "operacionit special ushtarak" më 24 shkurt, e pengoi Rusinë të përballet me Poloninë në Moskë, e cila do të luajë Kupën e Botës pasi mundi Suedinë. Trajneri rus, Valeri Karpin, ka thirrur në listën paraprake 35 lojtarë, mes të cilëve Zakharian, i kërkuar nga Chelsea dhe europianë të tjerë të mëdhenj dhe Mostovy, anësori i liderit të ligës ruse, Zenit Saint Petersburg.

Për shkak të mungesës së ndeshjeve, Karpin vendosi të kombinojë postin e trajnerit të kombëtares me atë të trajnerit të skuadrës së Rostovit. Klubet ruse gjithashtu nuk lejohen të luajnë gara ndërkombëtare, kështu që ata nuk marrin pjesë as në Champions dhe as në Europa League.

B.T (Dosja.al)

Sondazh

Poll