Sport

'Përbindëshi' Haaland! Rekordi i sulmuesit, gol çdo 54 minuta. Guardiola tani ka ‘bombarduesin’ e tij

Hakmarrja e Guardiolës, tani edhe Pep ka ‘bombarduesin’e tij. Nuk ka më 9 false apo ide që kufizohen me të çuditshmen, Erling Haaland e ka rikthyer trajnerin spanjoll në “tokë” dhe Manchester City tashmë është i frikshëm.

7 Shtator 2022, 13:20 Nga DOSJA

'Përbindëshi' Haaland! Rekordi i sulmuesit, gol çdo

ANGLI- Hakmarrja e Guardiolës, tani edhe Pep ka ‘bombarduesin’e tij. Nuk ka më 9 false apo ide që kufizohen me të çuditshmen, Erling Haaland e ka rikthyer trajnerin spanjoll në “tokë” dhe Manchester City tashmë është i frikshëm.Aty ku Zlatan Ibrahimovic nuk ia doli në kohën e Barcelonës, sulmuesi i ri norvegjez në Angli me trajnerin katalanas po ia del. Ndikim ‘shkatërrues’ te Manchester City, mjaftojnë numrat për ta shpjeguar: 12 gola në 8 ndeshje, një gol në çdo 54' të luajtur.

Haaland ka thyer tabunë e numrit 9 për Guardiolën dhe rezultatet janë për t'i parë të gjithë: 22-vjeçari norvegjez ka shënuar tashmë dy hat-trick dhe dy dy dygolësha. Nuk është aq shumë në zemër të lojës, por biondi gati dy metra e ka aftësinë të gjendet gjithmonë në vendin dhe kohën e duhur, në zonën e kundërshtarit. E ka shpjeguar edhe Guardiola: “Ai ka një sens të jashtëzakonshëm goli”.

STATISTIKA

Erling Haaland mbrëmë u bë lojtari më i ri që ka arritur 25 gola në Champions League.

Ndër lojtarët që kanë luajtur të paktën 20 ndeshje në Champions League që nga viti 2019/20 (data e debutimit të tij në kompeticion), Haaland është ai që ka minutat më të mira mesatare të golave ​​(një në çdo 61 minuta).

Ai është lojtari më i shpejtë në historinë e Premier League për të arritur 10 gola. Dhe se ai është lojtari i parë në historinë e Manchester City që shënon si në debutimin e tij në Premier League ashtu edhe në debutimin e tij në Champions League.

E.Ç (Dosja.al)

manchester city haalanad guardiola

Sondazh

Poll

MË SHUMË