Politike

Nuk u takua me Abdixhikun, Begaj: Ftesa ime ishte e sinqertë, mision i pamundur

Në këtë përgjigje, sipas Begajt, thuhej se ai ishte i mirëpritur në godinën e LDK-së, duke refuzuar kështu një takim në Kuvend.

16 Gusht 2022, 20:54 Nga I.A
Nuk u takua me Abdixhikun, Begaj: Ftesa ime ishte e
Bajram Begaj

KOSOVË- Presidenti shqiptar Bajram Begaj ka qartësuar arsyet e mostakimit me kreun e LDK-së Lumir Abdixhiku në Prishtinë. Begaj në një intervistë për RTK-në, ka thënë se pas ftesës që i kishte bërë drejtuesve të LDK-së për një takim në Kuvend, sikurse me drejtues të partive të tjera, ka marrë një përgjigje nga partia. Në këtë përgjigje, sipas Begajt, thuhej se ai ishte i mirëpritur në godinën e LDK-së, duke refuzuar kështu një takim në Kuvend.

“Unë jam president i RSH dhe erdha në Kosovë për të biseduar si vëllai me vëllain, si me familjen time. Këto takime doja t’i mbaja në tempullin politik, që është kuvendi i atij vendi. Ftesa ime ka qenë mjaft e sinqertë për të gjitha partitë politikë, në Kuvendin e Republikës së Kosovës. Sipas përgjigjes së LDK-së dërguar te stafi im, thuhej se presidenti RSH është i mirëpritur në godinën e LDK-së”, tha Begaj.

Begaj ka thënë se synonte t’i takojë të gjithë prijësit e partive shqiptare në një tavolinë, por ka thënë se kjo qe e pamundur prandaj i ka takuar ndaras.

“Ftesa ishte nga ana jonë, takimet ishin të paracaktuara. Erdha në Kosovë me ftesë të Presidentes së Republikës së Kosovës. Doja që partitë politike shqiptare t’i takoja të bashkuara, në një tavolinë, nuk arrita dot, i takova ndaras”, deklaroi Begaj.

bajram begaj

Sondazh

Poll

MË SHUMË