Sport

Antonio Conte nuk humbet kohë te Tottenham, “i fut shqelmin” katër futbollistëve dhe i ndan nga ekipi!

Tanguy Ndombele, Giovani Lo Celso, Sergio Reguilon dhe Harry Winks nuk janë më pjesë e planeve të Tottenhamit dhe Antonio Conte i ka përjashtuar nga stërvitja, duke i ftuar të stërviten vetëm.

12 Gusht 2022, 12:09 Nga DOSJA

Antonio Conte nuk humbet kohë te Tottenham, “i fut shqelmin”

ANGLI- Tanguy Ndombele, Giovani Lo Celso, Sergio Reguilon dhe Harry Winks nuk janë më pjesë e planeve të Tottenhamit dhe Antonio Conte i ka përjashtuar nga stërvitja, duke i ftuar të stërviten vetëm. Tekniku nga Salerno shpreson që të katërt do të gjejnë një skuadër tjetër përpara se të mbyllet merkato e verës. Këtë e raporton Evening Standard.

Tottenhami do ta kishte justifikuar lëvizjen drastike me faktin se Conte dëshiron të punojë me një grup jo shumë të madh. Të paktën dy nga katër tepricat mund të gjenin skuadër në Itali. Lo Celso, nga janari në qershor ishte në huazim te Villarreal, për lojtarin ka pasur interes të fortë nga Lazio dhe Fiorentina.

Nga ana tjetër, Ndombele pas kthimit nga huazimi te Lyon mund të transferohet te Napoli, me klubin që kërkon një zëvendësues për Fabian Ruiz i cili po përflitet për një transferim te PSG.Nga ana tjetër, ardhja e Perisic bëri që për Reguilon të mos kishte më hapësira.

E.Ç (Dosja.al)

conte tottenham

Sondazh

Poll

MË SHUMË