Politike

VD-Meta tregon kur u bashkuan Rama e Basha: Ka nisur që para 17 majit, "Territorialja" u bë me dakordësi mes tyre

Meta tha se edhe Reforma Territoriale e vitit 2014 është miratuar me dakordësi mes tyre. 

26 Korrik 2022, 14:01 Nga f.g
VD-Meta tregon kur u bashkuan Rama e Basha: Ka nisur që para 17 majit,
Ilir Meta, kryetar i PD

TIRANE- Ilir Meta pretendon se bashkëpunimi dhe "shitja" e interesave të opozitës nga ish-kryetari i Partisë Demokratike, Lulzim Basha tek kryeministri Edi Rama ka nisur që para marrëveshjes së 17 majit 2017. Në një bashkëbisedim me gazetarët, Meta tha se edhe Reforma Territoriale e vitit 2014 është miratuar me dakordësi mes tyre. 

Harta territoriale që u miratua në vitin 2014, u miratua kështu siç është me një mirëkuptim të plotë Rama-Basha pasi akordi nuk ka nisur më 17 maj jo. Unë si kryetar Kuvendi që isha, edhe pse isha në koalicion me Ramën, dhe kisha mundësi për ta bllokuar, ku duhej 84 vota. Duke enduar se interesi i vendit ishte gjithëpërfshirja i kërkova Bashës që të përfshihej në këtë reformë. Kam insistuar unë si kryetar parlamementi, kur bënte kuvendin PD kam çuar atje të ndjerin Bashkim Fino dhe Petrit Vasilin që të shkonin t’u thoshin se duhet bërë kjo reformë, dhe ju lutem ta bëjmë me konsensus, na jepni një projekt për këtë. Nuk solli kurrë një projekt, pasi kishte bërë pakt me Ramën. 

Çfarë ndodhi pasditen e djeshme? Nga dje, LSI nuk ekziston më. Partia e ish-presidentit e themeluar në 2004 ndryshoi në mbledhjen e djeshme të Konventës duke marrë emrin "Partia e Lirisë". Partia e Lirisë drejtohet nga Ilir Meta që la kostumin e presidentit për t'ju rikthyer betejës në frontin opozitar. Meta është zotuar për rikthimin e sovranitetit tek qytetarët dhe rrëzimin e qeverisë Rama.

edi rama lulzim basha ilir meta partia e lirise

Sondazh

Poll

MË SHUMË