Politike

Begaj firmos dekretin e parë si President, dekreton ndryshimet e fundit në qeveri

Begaj gjithashtu  ka dekretuar emërimin e zonjës Majlinda Dhuka si ministër Shteti dhe Kryenegociatore, si dhe emërimin e zonjës Belinda Balluku edhe në detyrën e Zëvendëskryeministres, përpos detyrës që mban të ministres së Infrastrukturës dhe Energjisë. 

26 Korrik 2022, 13:52 Nga e.k
Begaj firmos dekretin e parë si President, dekreton ndryshimet e fundit
Bajram Begaj

TIRANË- Presidenti Bajram Begaj ka dekretuar shkarkimin e Arben Ahmetajt nga detyra si Zëvendëskryeministër dhe ministër i Shtetit për Rindërtimin dhe Programin e Reformave. Begaj gjithashtu  ka dekretuar emërimin e zonjës Majlinda Dhuka si ministër Shteti dhe Kryenegociatore, si dhe emërimin e zonjës Belinda Balluku edhe në detyrën e Zëvendëskryeministres, përpos detyrës që mban të ministres së Infrastrukturës dhe Energjisë. 

Ky është dekreti i parë i firmosur nga Presidenti Bajram Begaj i cili mori zyrtarisht detyrën me 24 korrik.

Njoftimi i Institucionit të Presidentit

Presidenti i Republikës,  Bajram Begaj, pas administrimit të propozimeve të Kryeministrit dhe shqyrtimit të tyre, ka dekretuar shkarkimin e z. Arben Ahmetaj nga detyra si Zëvendëskryeministër dhe ministër i Shtetit për Rindërtimin dhe Programin e Reformave.

Presidenti i Republikës, ka pranuar propozimin duke dekretuar emërimin e zonjës Majlinda Dhuka si ministër Shteti dhe Kryenegociatore, si dhe emërimin e zonjës Belinda Balluku edhe në detyrën e Zëvendëskryeministres, përpos detyrës që mban të ministres së Infrastrukturës dhe Energjisë.

bajram begaj

Sondazh

Poll