Politike

Kallëzim nga KLSH? Qëndroi 1 orë brenda SPAK, Dritan Leli: Nuk më thirrën, pyesni Prokurorinë

Leli është shprehur se nuk ka bërë denoncim dhe se duhet të pyesin SPAK.

22 Korrik 2022, 13:58 Nga A.B
Kallëzim nga KLSH? Qëndroi 1 orë brenda SPAK, Dritan Leli: Nuk
Dritan Leli

TIRANË- Kryebashkiaku i Vlorës, Dritan Leli është paraqitur mesditën e sotme në ambientet e SPAK. Në media u raportua se ndaj Lelit ka një kallëzim nga ana e KLSH-së. Pas daljes nga SPAK ai ka reaguar lidhur me praninë e tij në SPAK. I pyetur nga gazetarët Leli është shprehur se nuk ka bërë denoncim dhe se duhet të pyesin SPAK.

“U paraqita në SPAK sepse respektoj ligjin dhe organet e drejtësisë. Nuk jam denoncues dhe as për ndonjë denoncim të KLGJ-së. Isha aty si deklarues për një çështje tjetër, për të cilën preferoj të ruaj sekretin hetimor. Nuk bëra asnjë denoncim,”-deklaroi ai.

Sot kryeministri Edi Rama në një takim me kryebashkiakët sulmoi Lelin për çështjes së pastrimit të qytetit bregdetar. Rama tha se Leli është një kryëtar bashkie që fle gjumë.

“Kemi bashki si Vlora që ka pasur një vëmendje të veçantë me të drejtës nga qeveria por që ka një kryetar bashkie që fle gjumë. Vlora me gjithë potencialin dhe mbështetjen nuk duhej ta diskutonte të qenit xixë nga mëngjesi në mbrëmje. Minimalisht!”, tha Rama sot në mbledhjen ku Leli nuk ishte prezent.

Ndërkohë që Leli dje është përplasur me anëtarët e Këshillit Bashkiak. Shkak për këtë është bërë një reformë e Ujësjellës Kanalizimeve të Vlorës, ku për shkak të borxheve të mëdha të akumuluara nga kjo ndërmarrje, socialistët e Këshillit Bashkiak kërkojnë krijimin e një shoqërie aksionere. Kërkesa është hedhur poshtë nga Leli, i cili e konsideron si të paligjshme, ndërsa i ka dërguar edhe një letër Këshillit Bashkiak. Kjo mund të jetë dhe arsyeja e vizitës sot në SPAK, por nuk ka asgjë të konfirmuar. 

dritan leli ne spak dritan leli

Sondazh

Poll

MË SHUMË