Sport

Eleminimi i Partizanit, Mehmeti nuk i mban nervat, shënjestron dy lojtarët: Mund të ishin treguar më altruistë

Trajneri i Partizanit, Dritan Mehmeti, nuk e ka fshehur zhgënjimin për eliminimin e të kuqve nga Conference League.

14 Korrik 2022, 23:41 Nga DOSJA

Eleminimi i Partizanit, Mehmeti nuk i mban nervat, shënjestron dy

TIRANË- Trajneri i Partizanit, Dritan Mehmeti, nuk e ka fshehur zhgënjimin për eliminimin e të kuqve nga Conference League.Duke folur pas ndeshjes ai deklaroi se të kuqtë kishin gabuar duke mos u treguar altruistë, ndërsa nuk ngurroi të shprehte pakënaqësi për Skukën.

“Zhgënjim? Patjetër që po. Dua të falënderoj çunat për gjithçka që dhanë. Kishim mundësi të mira me Rrapajn e Skukën që kishte situatë një kundër një. Jam i zhgënjyer me rastin e Skukës se duhej ta kishte zgjidhur më mirë. Pastaj penalltitë janë çështje fati, këto janë gjendje emocionale si e interpretojnë. Kishim shansin e artë kur Rrapaj mund ta ekzekutonte më mirë, por kështu ishte shkruar.

Eliminimi mendoj se ka filluar që në ndeshjen e parë, sidomos në pjesën e dytë ku kemi pasur disa mundësi të mira shënimi. Por edhe sot kishim mundësi me rastet që kishim. Mund të ishin treguar më shumë altruistë lojtarët. Kishim mundësi me Skukën, mund të shërbente dy herë më mirë për Rrapajn. Janë situata që vijnë se janë të rinj, edhe gjatë kampionatit kemi humbur shumë të tilla situata. Duke pasur parasysh me kundërshtarë të tillë me eksperiencë, nuk të japin mundësinë të japin më shumë raste”, tha Mehmeti.

E.Ç (Dosja.al)

 

partizani dritan mehmeti

Sondazh

Poll

MË SHUMË