Sport

Gareth Bale: "Nuk erdha këtu për gjashtë, apo dymbëdhjetë muaj, por..."

Kapiteni i Uellsit, ish-lojtari i Real Madridit është prezantuar me skuadrën e tij të re amerikane

12 Korrik 2022, 11:42 Nga DOSJA

Gareth Bale: "Nuk erdha këtu për gjashtë, apo

SHBA - Gareth Bale u prezantua si një lojtar i ri i Los Angeles FC dhe u stërvit për herë të parë me shokët e tij të skuadrës. Ish-lojtari i Real Madrid foli edhe për kalimin e tij në MLS, të kaluarën e tij si lojtar i bardhë, si dhe planet e tij afatshkurtra.

Bale është i qartë për qëllimet e tij, dhe përveç pushtimit të MLS-së, ai gjithashtu planifikon të punojë shumë për të shkuar jo vetëm në Botërorin 2022 në Katar në mënyrën më të mirë të mundshme, por edhe deri në Europianin e ardhshëm, që do të luhet në Gjermani më 2024.

"Unë mendoj, se këtu është shumë më mirë sesa mendojnë njerëzit në Europë. Unë kam ndjekur MLS për një kohë të gjatë. Niveli është rritur, cilësia, ekipet dhe lojtarët po përmirësohen. Të gjithë e shohin se si Los Angeles FC ka bërë një punë madhështore në një periudhë të shkurtër kohe,"- u shpreh ai.

Krahas kësaj, anësori i Cardiff theksoi se ka ende shumë për të dhënë në futboll dhe se nuk ka ardhur në Shtetet e Bashkuara për një kohë të shkurtër: “Jam ende 32 vjeç, nuk kam ardhur të qëndroj këtu për gjashtë apo dymbëdhjetë muaj. Më kanë mbetur edhe shumë vite përpara. Unë kam ardhur këtu që të jem sa më gjatë. Vij të lë gjurmë në këtë ekip".

Uellsiani do të mbajë numrin 11, atë që mbante në shpinë gjatë viteve më të mira të karrierës së tij te Tottenham fillimisht dhe më vonë te Real Madrid. Gareth Bale këmbëngul se ai kishte shumë opsione për të vendosur të ardhmen e tij, por LAFC 'menjëherë' mendoi se projekti ishte i duhuri për të.

“Kisha opsione,- tha Bale për ‘Sky Sports News’. - Natyrisht që nuk do të hyj në detaje, por kisha disa opsione.  Për mua, ky (LAFC) ndihej si vendi i duhur dhe jam i emocionuar që jam pjesë e këtij projekti”.

Gareth Bale: "Nuk erdha këtu për gjashtë, apo

B.T (Dosja.al)

Sondazh

Poll