Sport

Formula 1/ Max Verstappen, shumë i ashpër për fansat e tij: "Është turp..."

Pilotit holandez nuk i pëlqeu fakti që tifozët brohoritën për aksidentin e Hamiltonit dhe kërkon respekt për të gjithë piloted në garë. Sjelljen e dënon edhe FIA

10 Korrik 2022, 12:40 Nga DOSJA

Formula 1/ Max Verstappen, shumë i ashpër për fansat e tij:

AUSTRI - Max Verstappen është i mërzitur nga qëndrimi i shumicës së tifozëve holandezë, rreth 50.000, të cilët brohoritën për aksidentin e Lewis Hamilton në kualifikimet për Grand Prix të  Austrisë në ‘Red Bull Ring’ të premten. Kampioni i botës shprehet se këto qëndrime nuk duhet të përsëriten.

"Në thelb, unë mendoj se është turp që tifozët reagojnë si tifozë futbolli, të cilët gjithmonë shajnë kundërshtarin. Në Holandë ata fishkëllyen kundër Lewis, në Angli kundër meje. Mendoj se është turp, sepse shpesh jemi jashtëzakonisht të ashpër, Formula 1 është më tepër e rrezikshme se një ndeshje futbolli”,- tha Max në një prononcim për kanalin televiziv ‘Sport1’.

"Ju duhet ta respektoni kundërshtarin tuaj. Unë jam tifoz i PSV-së, por kur shikoj një ndeshje të madhe, më pëlqen ndeshja, pavarësisht nëse ekipi im fiton ose humbet. Do të ishte mirë që tifozët do të silleshin në këtë mënyrë edhe në sportin tonë,"- shprehet ai për ndjekësit e tij, tashmë të njohur si 'Ushtria Portokalli' dhe që do ta ndjekin në të gjithë Europën këtë verë.

Nga ana e saj, edhe Federata Ndërkombëtare e Automobilizmit (FIA), duket se është vënë në dijeni për incidentin në fjalë dhe në mëngjesin e kësaj të diele ka dale me një deklaratë për mediat, duke siguruar se "kjo lloj sjelljeje nuk do të tolerohet apo pranohet".

Formula 1/ Max Verstappen, shumë i ashpër për fansat e tij:

B.T (Dosja.al)

Sondazh

Poll

MË SHUMË