Politike

Dyshime për aferë me tendera publikë! Ish-kryebashkiaku i Dibrës thirret në SPAK

Nuk dihet ende nëse për Ramën ka dosje të hapur në prokurorinë e posaçme

28 Qershor 2022, 12:28 Nga A.B
Dyshime për aferë me tendera publikë! Ish-kryebashkiaku i
Muharrem Rama

DIBËR- Ish-kryebashkiaku i Dibrës, Muharrem Rama është thirrur ditën e sotme në SPAK. Ai ka mbërritur në orët e para në ambientet e Gjykatës së Posaçme pasi është kërkuar nga hetuesit për t'u marrë në pyetje. Dyshohet se Rama është kërkuar në SPAK për shkak të një afere me tenderat publikë.

Nuk dihet ende nëse për Ramën ka dosje të hapur në prokurorinë e posaçme, apo është thirrur si person që ka dijeni për ndonjë ngjarjen në fjalë. Muharrem Rama mori detyrën e kryebashkiakut të Dibrës më shtator të vitit 2016-të, ku zëvendësoi Shukri Xhelilin, kjo për shkak të përfshirjes së tij në një skandal seksual.

51-vjeçari ka mbaruar fakultetin e Mjekësisë në Universitetin e Tiranës në vitin 1991 dhe e ka filluar karrierën e tij si mjek i përgjithshëm në fshatin Melan të Dibrës. Ai është specializuar për kirurgji të përgjithshme në vitet 1993-1997, pas së cilit u emërua kirurg në spitalin e Peshkopisë.

Po ashtu, përgjatë viteve të karrierës së tij si mjek, Rama ka mbajtur pozicionin e nëndrejtorit teknik dhe shefit të kirurgjisë në spitalin e Peshkopisë. Në tetor të vitit 2016, ai u përfshi në politikën lokale si kandidat i Partisë Socialiste për bashkinë e Dibrës.

 

muharrem rama ne spak muharrem rama

Sondazh

Poll

MË SHUMË