Sport

Panik në Algjeri, tërmet me magnitudë 5.1 ballë, ‘dridhet’ Orani i Lojërave Mesdhetare

Sipas kontakteve edhe me delegacionin olimpik shqiptar atje, ka patur disa lëkundje por pa shkaktuar dëme materiale, veç panikut të përkohshëm

27 Qershor 2022, 12:16 Nga DOSJA
Panik në Algjeri, tërmet me magnitudë 5.1 ballë,

ALGJERI - Një tërmet me magnitudë 5.1 ballë të shkallës Rihter ndodhi të dielën mbrëma pranë qytetit Oran në Algjerinë perëndimore, ku po zhvillohen edhe Lojërat Mesdhetare. Njoftimi është bërë nga Qendra Kërkimore për Astronomi, Astrofizikë dhe Gjeofizikë (CRAAG), ndërsa fatmirësisht nuk janë regjistruar dëme të rënda materiale dhe lëndime.

Sipas kontakteve edhe me ekipin tonë olimpik atje, gjendja e sportistëve shqiptarë është e mirë, përveç panikut të çastit. Gjithnjë sipas tyre, ka patur disa lëkundje në orën 20:17, pasi vetëm 12 km në veri të Gdiel është regjistruar lëkundja e parë, rreth 20 km në lindje të Oranit.

Më pas ka patur edhe dy tërmete të tjera me magnitudë 3.2 dhe 4 ballë, siç njofton ndërkohë CRAAG. Disa shtëpi janë dëmtuar në qytetin e Arziut, që ndodhet rreth 40 km në lindje të qytetit të Oranit, siç u bë e ditur, nga mbrojtja civile.

B.T (Dosja.al)

Sondazh

Poll

MË SHUMË