Sport

Fillimisht Lukaku, më pas transferimet: Dybala te Interi çështje kohe dhe...buxheti

Me ardhjen e Lukaku, administratori Marotta duhet të bëjë vend përpara se të ratifikojë marrëveshjen me argjentinasin

21 Qershor 2022, 11:48 Nga DOSJA

Fillimisht Lukaku, më pas transferimet: Dybala te Interi

ITALI - Dukej si një marrëveshje tashmë e mbyllur, e kompletuar me një njoftim të afërt, por tani ardhja e Paulo Dybala në Inter është shtyrë. Në thelb ka pasur një ngadalësim në orar.  Zikaltrit në ditët e fundit kanë përqendruar vëmendjen te rikthimi i Romelu Lukakut, në një negociatë me Chelsean, e cila për momentin e sheh firmën angleze në kërkesën për huazim me 10 milionë plus tre bonuse dhe Interin të gatshëm për të arritur 7+3. 

Një situatë e destinuar të zhbllokohet në fund të kësaj jave, me dritën jeshile për rikthimin e Lukakut në Milano. Për të qenë të qartë, në këtë moment, një fund ndryshe do të ishte sensacional. Një epilog që asnjë nga tre palët e përfshira, Inter, Chelsea dhe Big Rom, nuk dëshiron ta marrë në konsideratë. 

Pyetja për Dybala përshtatet në këtë kontekst. Lojtari, siç dihet, ka një marrëveshje me Marotta, e vetmja ofertë konkrete është ajo e Interit (asnjë tjetër nuk ka mbërritur në këto dy muaj) dhe jo më vonë se dy ditë më pare, gjatë pushimeve në Miami, pati mundësinë të dëgjojë edhe Javier Zanettin. Palët, jo vetëm me fjalë, ishin shumë të çekuilibruara ndaj në intervistën e djeshme për ‘Radio Rai’, Beppe Marotta i dërgoi një mesazh menaxherit të Joya, një ftesë për të mos e shtërnguar dorën shumë.

Thjesht, Interi duhet të bëjë vend në buxhetin e tij, përpara se të ratifikojë marrëveshjen me Dybala. Dhe ai synon ta bëjë këtë para fillimit të stërvitjeve në mënyrë që ta ketë në dispozicion argjentinasin menjëherë. Por për ta bërë këtë, ai duhet të përcaktojë shitjen e një ose dy sulmuesve: Sanchez në fillim dhe më pas Dzeko (më shumë se Correa). Midis zikaltërve dhe Paulos milionat e komisionit të kërkuar nga Antun shpërfillen, ndërsa diferenca në pagë mund të kalohet nga bonuset dhe me shtimin e një viti të kontratës, duke shkuar nga 3+1 në një katërvjeçar. 

Fillimisht Lukaku, më pas transferimet: Dybala te Interi

B.T (Dosja.al)

Sondazh

Poll

MË SHUMË