Aktualitet

Armë ilegale të përdorura për zhvatje dhe kërcënime, arrestohet shqiptari në Itali

Arrestimi i shqiptarit dhe 2 italianëve erdhi në përfundim të një hetimi të gjatë që filloi në dhjetor 2021, kur u arrestuan tre shtetas marokenë të akuzuar për trafik droge.

17 Qershor 2022, 14:35 Nga d.a
Armë ilegale të përdorura për zhvatje dhe
Armet e sekuestruara

ITALI- Një operacion i zhvilluar nga policia italiane ka vënë në pranga 3 persona, një çift italian dhe një shtetas shqiptar për trafik të lëndëve narkotike dhe trakif të armëve.

Sipas mediave vendase, arrestimi i shqiptarit dhe 2 italianëve erdhi në përfundim të një hetimi të gjatë që filloi në dhjetor 2021, kur u arrestuan tre shtetas marokenë të akuzuar për trafik droge.

Veprimtaria e karabinierëve është zhvendosur në subjekte të tjera, emrat e të cilëve ishin të lidhur me trafikun e drogës dhe përgjimet kanë bërë të mundur dëgjimin e dialogëve për armët klandestine, të ndaluara në mënyrë të paligjshme, të cilat do të përdoreshin për të kryer zhvatje dhe kërcënuar klientët e drogës.

Gjatë kontrolleve u gjetën armë dhe një numër i madh municionesh të kalibrave të ndryshëm, mes të cilave dy pistoleta tambore pa shenja, dy silenciatorë pushke, një pushkë e modifikuar e punuar me dorë, si dhe 40 gramë kokainë. Tre të arrestuarit u dërguan përkatësisht në burgun e Verbanisë dhe atë të grave në Vercelli.

itali policia italiane arrestohen 2 shqiptar

Sondazh

Poll

MË SHUMË