Aktualitet

Pas Vlorës, KLSH "shkund" Bashkinë e Fierit, abuzime 1.4 mln lekë: Masa për 70 punonjës

Nga kontrolli në fushën e prokurimeve publike, KLSH ka zbuluar shkelje të zyrtarëve të bashkisë me tenderat, në vlerën e 1.4 miliardë lekëve. 

17 Qershor 2022, 12:25 Nga k.m.
Pas Vlorës, KLSH "shkund" Bashkinë e Fierit, abuzime 1.4 mln
KLSH dhe bashkia Fier

VLORË- Pas Bashkisë së Vlorës, Kontrolli i Lartë i Shtetit ka zbuluar shkelje me tenderat edhe në Bashkinë e Fierit. Nga kontrolli në fushën e prokurimeve publike, KLSH ka zbuluar shkelje të zyrtarëve të bashkisë me tenderat, në vlerën e 1.4 miliardë lekëve. Për këtë arsye, KLSH ka kërkuar marrjen e masave për 70 punonjës të Bashkisë së Fierit.

Për 2 Administratorë të Përgjithshëm të Bashkisë Fier, 2 Administratorë të Njësive Administrative, 6 Drejtorë Drejtorie në aparatin e bashkisë dhe institucionet e varësisë, 5 Përgjegjës Sektori, 19 Specialistë është kërkuar nga KLSH, kjo për shkak se akuzohen se për veprimet e tyre i kanë shkaktuar një dëm buxhetit të shtetit. Masë disiplinore është kërkuar edhe për 40 Punonjës të bashkisë, në cilësinë e anëtarëve të njësisë të hartimit të dokumenteve të tenderit dhe anëtarë të komisionit të vlerësimit të ofertave.

KLSH kërkon marrjen e masave për 70 punonjës në Bashkinë e Fierit

17 Masa Organizative
12 Masa për Shpërblim Dëmi në vlerën rreth 150 milion lekë, konkretisht:
-Në fushën e zbatimit të kontratave, për punime të pakryuera por të situacionuara dhe paguara;
-Në fushën e prokurimeve, për vlerësim të gabuar të Ofertave Ekonomike nga operatorët ekonomik pjesëmarrës në procedura;
-Në fushën e urbanistikës, kryesisht për përllogaritje të gabuar të taksës së ndikimit në infrastrukturë nga shoqëritë sipërmarrëse, realizuese të invesitimeve me fonde private)

7 Masa për eleminimin e efekteve negative të konstatuara në administrimin e fondeve publike dhe për menaxhimin me ekonomicitet, eficence dhe efektivitet të fondeve publike (3E-të) në vlerën rreth 1.4 miliard lekë, konkretisht:
-Për mos pagesë të taksave të infrastrukturës nga legalizimet informale në vlerën 61 milion lekë; -Për mos llogaritjen dhe arkëtimin e taksave në vlerën 120 milion lekë;
-Për mos llogaritje dhe vjeljen e gjobave nga Inspektorati Ndërtimor dhe Urbanistikë në vlerën 26 milion lekë;
-Për mosllogaritje të takës për zënie të hapësirave publike në vlerën 44 milion lekë;
-Në fushën e prokurimeve publike për vlerësim të gabuar të ofertave ekonomike nga operatorët pjesëmarrës në procedura në vlerën 1.300 miliard lekë )

Masa Disiplinore

Për personat përgjegjës, KLSH ka kërkuar nga Kryetari i Bashkisë Fier që në vlerësim të shkeljeve të konsideruara të urdhërojë Komisionin Disiplinor për fillimin e procedurave përkatëse për shqyrtimin dhe dhënien e masave disiplinore në zbatim të ligjit. nr. 152/2013, datë 30.05.2013, “Për nëpunësin civil”, të marrë masa nga “mbajtja deri në 1/3 e pagës së plotë për një periudhë deri në gjashtë muaj” apo “pezullim nga e drejta e ngritjes në detyrë, përfshirë rritjen në shkallën e pagës për një periudhë deri në dy vjet”; deri në, “Largim nga shërbimi civil”, dhe konkretisht:
2 Administrator të Përgjithshëm
2 Administrator të Njësive Administrative
6 Drejtorë Drejtorie në aparatin e bashkisë dhe institucionet e varësisë
5 Përgjegjës Sektori
19 Specialistë
40 Punonjës të bashkisë në cilësinë e anëtarëve të njësisë të hartimit të dokumenteve të tenderit dhe anëtarë të komisionit të vlerësimit të ofertave

bashkia e fierit fier klsh

Sondazh

Poll

MË SHUMË