Sport

Gjyqi i Blatter-Platini: prokuroria 18 muaj burg për ish-zyrtarët e lartë të futbollit botëror!

Të dy akuzohen për mashtrim në lidhje me dy milionë franga zvicerane të paguara nga FIFA për francezin

16 Qershor 2022, 06:10 Nga DOSJA
Gjyqi i Blatter-Platini: prokuroria 18 muaj burg për ish-zyrtarët e
Michel Platini, ish-president i UEFA-s

ZVICER - Tetëmbëdhjetë muaj burgim me pezullim të dënimit. Kjo është kërkesa e prokurorëve zviceranë për ish-presidentin e UEFA-s, Michel Platini dhe ish-presidentin e FIFA-s, Sepp Blatter. 

Gjykata e Lartë Federale e Zvicrës do të nxjerrë vendimin më 8 korrik. Në mënyrë të detajuar, akuza për të dy është mashtrim në kuadër të gjyqit të thirrur për të hedhur dritë mbi dy milionë frangat zvicerane të paguara nga FIFA ndaj francezit, në atë kohë në krye të UEFA-s. 

Gjykata Penale Federale e Zvicrës do të japë dënimin më 8 korrik, duke mbyllur të paktën kapitullin e parë të një çështjeje, që shkatërroi karrierën e dy drejtuesve më të mëdhenj të futbollit botëror, të cilët u përballën me deri në pesë vite burg.

Prokurori publik i Konfederatës Zvicerane e akuzon Blatterin për krimin e mashtrimit, ndoshta për përvetësim dhe në alternativën e administrimit të pabesë dhe falsifikimit të dokumenteve. Michel Platini akuzohet për mashtrim, bashkëpunim të mundshëm në përvetësim dhe në alternativë bashkim në administrim të pabesë, veçanërisht në formën e bashkëpunimit, si dhe falsifikim dokumentesh.

B.T (Dosja.al)

Sondazh

Poll

MË SHUMË