Bota

"E bëra për arsye patriotike", arrestohet këngëtari maqedonas pasi i vuri flakën qendrës kulturore bullgare

Personi i arrestuar është këngëtari Lampe Alabakovski, i cili vitin e kaluar u kthye në Maqedoninë e Veriut nga SHBA-të ku jetoi tetë vite me familjen e tij.

7 Qershor 2022, 12:33 Nga d.a

 

"E bëra për arsye patriotike", arrestohet
Lambe Alabakoski

 

MAQEDONIA E VERIUT- Një këngëtar i njohur 34-vjeçar nga Maqedonia e Veriut është arrestuar si autor i sulmit në qendrën kulturore bullgare në qytetin e Manastirit, që ndodhi mëngjesin e së shtunës së kaluar.

Sipas mediave vendase, personi i arrestuar është këngëtari Lampe Alabakovski, i cili vitin e kaluar u kthye në Maqedoninë e Veriut nga SHBA-të ku jetoi tetë vite me familjen e tij.

Arrestimin e autorit e ka bërë të ditur sot Ministria e Punëve të Brendshme e Maqedonisë së Veriut. Burime policore thanë se këngëtari i njohur ka rrëfyer aktin e tij, të cilin e ka cilësuar për “motive patriotike”. Autori është afruar me biçikletë mëngjesin e së shtunës në qendrën kulturore bullgare "Ivan Mikhailov" në qytetin e Manastirit dhe i ka vënë flakën derës së përparme metalike të ndërtesës.

Djegia e derës së hyrjes së qendrës kulturore bullgare “Ivan Vanço Mihajlov” shkaktoi reagime të ashpra nga politikanët bullgarë të cilët e konsideruan incidentin si provokim. Reagime ka patur dhe nga autoritetet vendase të cilët kanë dënuar djegien e qendrë e cila u hap vetëm një muaj më parë në prani të zëvendëspresidentes bullgare Iliana Iotova, kryeministrit Petkov dhe ministrave të qeverisë së tij.

Sondazh

Poll

MË SHUMË