Aktualitet

Noteri në burg, sot i dogjën zyrën. Gjenden dokumente të ish-hetuesit Lulaj, zbulohet autori

Një pjesë tjetër e dokukentacioneve që janë gjetur në zyrë, mësohet se i përkasin ish-noteres Ermioni Gjoka, bashkëshortes së ish-kryetarit të bashkisë Sarandë Edmond Gjoka.

6 Qershor 2022, 16:30 Nga F.M
Noteri në burg, sot i dogjën zyrën. Gjenden dokumente të
Digjet noteria

SARANDË- Zyra e noterit Aleko Anagnosti është djegur në Sarandë. Mëngjesin e sotëm, një person i maskuar është futur në noteri për të aktivizuar zjarrin me një qëllim, djegien e dokumenteve. Kamerat e sigurisë kanë pikasur autorin që është futur në noteri duke thyer derën dhe është drejtuar tek një grumbull dokumentesh. Letrave u ka vënë flakën dhe është larguar qetësisht pa e hequr maskën.

Pak orë pas vendosjes së zjarrin, Prokuroria sekuestroi zyrën e noterisë dhe nisi kontrollin e saj. Brenda u gjetën dokumente të ish-noterit e ish-Prokurorit të Tiranës Artan Lulaj. Një pjesë tjetër e dokukentacioneve që janë gjetur në zyrë, mësohet se i përkasin ish-noteres Ermioni Gjoka, bashkëshortes së ish-kryetarit të bashkisë Sarandë Edmond Gjoka.

Vetë Anagnosti prej 1 qershorit ndodhet i arrestuar me urdhër te Prokurorise se Sarandes. Dy dite më parë Gjykata vendosi “Arrest ne burg” me afat 45 ditë. Ai akuzohet për tjetërsim pronash.

Anagnosti është një nga noterët më të vjeter dhe djegia e zyrës së tij i shkakton një dëm të madh qytetit pasi ai disponon arkivën edhe të noterëve të tjerë që kanë lënë profesionin vite më parë.

Sondazh

Poll

MË SHUMË