Bota

Krijohen gjurmët dixhitale të gishtërinjve të një milion imazhesh të abuzimit me fëmijët

Baza e të dhënave përmban disa nga përmbajtjet më ekstreme që shfaqen në internet atë që njihet si material i kategorisë A dhe B.

6 Qershor 2022, 13:50 Nga j.c

Krijohen gjurmët dixhitale të gishtërinjve të një

MBRETËRIA E BASHKUAR- Fondacioni Internet Watch ka njoftuar se ka krijuar gjurmët dixhitale të gishtërinjve të një milion imazheve të abuzimit seksual të fëmijëve. Organizata bamirëse në Mbretërinë e Bashkuar, e cila është përgjegjëse për gjetjen dhe heqjen e një materiali të tillë në internet, tha se gjurmët e gishtërinjve, të njohura si hash, do të ndihmonin kompanitë dhe policinë të gjenin kopjet e imazheve.

Sipas BBC, shpresohet se duke bërë këtë, ripërdorimi i imazheve mund të parandalohet. Imazhet janë nga baza e të dhënave të imazheve të abuzimit me fëmijët. Baza e të dhënave përmban disa nga përmbajtjet më ekstreme që shfaqen në internet atë që njihet si material i kategorisë A dhe B.

Hashët janë një kod identifikues i prodhuar nga një algoritëm dhe veprojnë si gjurmë gishtash për çdo imazh ose video. Shumë kompani të teknologjisë përdorin lista hasesh për të kërkuar materiale të abuzimit me fëmijët në sistemet e tyre duke krahasuar hash-et e imazheve me listat e tyre të krijuara nga organizata si IWF.

Megjithatë, sistemi ka kufizimet e veta. Ndryshimet në imazhe mund të ndryshojnë vlerën e hash-it, që do të thotë se një imazh mund t'i shpëtojë zbulimit megjithëse IWF këmbëngul se teknologjia që përdor do të thotë se një imazh mund të ndryshohet, pritet ose të ndryshohen ngjyrat e tij pa ndryshuar. 

 

Sondazh

Poll

MË SHUMË