Bota

Sulm me armë në kishën katolike në Nigeri, 21 persona të vdekur

Asnjë grup nuk ka marrë përgjegjësinë për sulmin, të cilin presidenti nigerian Muhammadu Buhari e përshkroi si "një vrasje të tmerrshme të besimtarëve".

6 Qershor 2022, 13:39 Nga j.c
Sulm me armë në kishën katolike në Nigeri, 21 persona
Vrasja në Nigeri

NIGERI- Njëzet e një persona u vranë të dielën në një sulm të armatosur në një kishë katolike gjatë një shërbimi në Nigerinë jugperëndimore. Sipas Proto thema, në raportin e parë zyrtar të publikuar sot nga autoritetet lokale thuhet se autorët i qëlluan besimtarët nga dritaret.

"Dinamiti shpërtheu në kishë ndërkohë autorët nuk hynë, ata qëlluan (kundër besimtarëve) nga dritaret,"-tha Richard Olandude, një zëdhënës i guvernatorit të shtetit Odo.

Asnjë grup nuk ka marrë përgjegjësinë për sulmin, të cilin presidenti nigerian Muhammadu Buhari e përshkroi si "një vrasje të tmerrshme të besimtarëve". Sulmi ndodhi gjatë shërbesës së mëngjesit në kishën katolike të Shën Françeskut në Ouo, Odo, ku zakonisht nuk ka sulme nga xhihadistët dhe grupet e armatosura që veprojnë në pjesë të tjera të Nigerisë.

Autoritetet lokale njoftuan se forcat e sigurisë janë mobilizuar dhe janë në kërkim të autorëve, identiteti i të cilëve nuk dihet. Sulmi erdhi një ditë para fillimit të zgjedhjeve presidenciale të APC-së në pushtet për zgjedhjet presidenciale të vitit 2023. Bukhari, një ish-gjeneral, do të përfundojë mandatin e tij të dytë në shkurt 2023.

Sulmet ndaj objekteve fetare janë një çështje veçanërisht e ndjeshme në Nigeri, ku tensionet shpesh përshkallëzohen midis komuniteteve në një vend me mbizotërim të krishterë në jug dhe kryesisht myslimanë në veri.

Sondazh

Poll

MË SHUMË