Sport

Champions/ Arritja e Gareth Bale, uellsianit i mjaftojnë 7 minuta për të parakaluar Messi-n

Real Madrid fiton Champions League për herë të 14-të dhe Gareth Bale fitoi kupën e tij të pestë në karrierë, duke barazuar legjendat si Paolo Maldini, Alfredo Di Stefano dhe Cristiano Ronaldo, por edhe duke kaluar Lionel Messin

29 Maj 2022, 19:57 Nga DOSJA

Champions/ Arritja e Gareth Bale, uellsianit i mjaftojnë 7 minuta për

SPANJË- Real Madrid fiton Champions League për herë të 14-të dhe Gareth Bale fitoi kupën e tij të pestë në karrierë, duke barazuar legjendat si Paolo Maldini, Alfredo Di Stefano dhe Cristiano Ronaldo, por edhe duke kaluar Lionel Messin. Kapiteni i Uellsit fitoi trofeun në vitet 2014, 2016, 2017, 2018 dhe 2022. Çuditërisht, 32-vjeçari ka luajtur vetëm shtatë minuta në ndeshjet europiane këtë sezon.

Vinicius Jr shënoi golin e vetëm të mbrëmjes, duke i dhënë trofeun e lakmuar klubit spanjoll. Ndërkohë, Bale e shikonte nga stoli dhe në fërshëllimën e fundit i lumtur mori medaljen e fundit në fanellën e Real Madrid. 32-vjeçari bëri diferencën në finalen e 2018 kundër Liverpool-it duke shënuar dy gola. Dhe pavarësisht se tha se ishte gati të sfidonte të kuqtë edhe një herë në Paris, trajneri Carlo Ancelotti nuk e llogariti në këtë takim.

Pavarësisht kësaj, disa tifozë në rrjetet sociale nxituan të duartrokitën Bale dhe e uruan atë për titullin e tij të pestë të Champions League: "Është mirë të shohësh Gareth Bale atje. Ai duhet të mbahet mend si një legjendë absolute e Real Madrid dhe një nga lojtarët më të mëdhenj të futbollit britanik", shkruan dikush. Prandaj uellsiani e mbylli karrierën e tij te Reali në mënyrën më të mirë të mundshme, me trofeun e tij të 16-të me fanellën e Real Madrid.

E.Ç (Dosja.al)

11380

Sondazh

Poll

MË SHUMË