Aktualitet

Efektivi ra në humnerë në Dukagjin, e nxjerr KFOR pas 12 orësh, PSH: E çojmë jashtë për mjekim

Gjithçka ndonjë një ditë më parë, por lajmi është pasqyruar në mediat 12 orë më vonë, kur autoritetet u dorëzuan e nuk e nxirrnin dot Frrokun nga humnera.

28 Maj 2022, 22:36 Nga DOSJA
Efektivi ra në humnerë në Dukagjin, e nxjerr KFOR pas 12
Rrok Frroku dhe shpëtimi

SHKODËR- Nënkomisari Rrok Frroku, 54 vjeç, ndërmori një operacion në zonat e thella të Dukagjinit për të zbuluar parcelat me drogë, por kjo gjë i kushtoi tre brinjë dhe një këmbë, të cilat i theu gjatë aksionit. Ai ishte nisur bashkë me kolegët për të zhvilluar operacionin, por për shkka të terrenit mjaft të thepisur, ran ë humnerë. Gjithçka ndonjë një ditë më parë, por lajmi është pasqyruar në mediat 12 orë më vonë, kur autoritetet u dorëzuan e nuk e nxirrnin dot Frrokun nga humnera. Për më shumë se 12 orë, efektivi qëndroi i plagosur majave të thepisura e në errësirë, ndërkohë që ajo që i nevojitej ishte ndihma mjekësore.

Tentativat nuk munguan. Forcat blu me disa grupe të RENEA-s dhe me ekipe mjekësore të cilat bënë të mundur zhvendosjen e tij për t’i dhënë ndihmën mjekësore, por s’ishte e mjaftueshme. Nënkomisari duhej tranferuar drejt Traumës, por Policisë së Shtetit i mungon insfrastruktura e nevojshme.

Në atë terren nuk ulej dot asnjë helicopter i autoriteteve shqiptare e për këtë arsye, drejtori i Policisë së Shtetit Gledis Nano u detyrua të kërkonte ndihmë. Në një njoftim në rrjetet sociale, ambasada e Shteteve të Bashkuara thotë se Shqipëria ka ‘ndezur’ alarmin e kuq për efektivin dhe se kanë qenë ata që kanë bërë të mundur dërgimin e helikopterit të KFOR-it në Dukagjin. Kosova u tregua e gatshme t’i vinte në ndihmë Shqipërisë e tashmë efektivi ndodhet tek Trauma. Ai ka tre binjë e një këmbë të thyer e gjendja e tij shëndetësore nuk paraqitet aspak e mirë.

Por, Policia e Shtetit teksa publikon pamjet e shpëtimit nga KFOR thotë se do ta dërgojnë për kurim jashtë shtetit Frrokun, nëse do të jetë e nevojshme.

(F.m/dosja.al)

Sondazh

Poll

MË SHUMË