Aktualitet

Po kontrollonte për drogë në Dukagjin, oficeri bie në humnerë, nxirret pas 12 orësh

Për shkak të terrenit të vështirë, oficeri ka rrëshqitur në zonën e Dushmanit, duke rënë brenda humnerës.

28 Maj 2022, 10:25 Nga DOSJA
Po kontrollonte për drogë në Dukagjin, oficeri bie në
Polici

SHKODËR- Pas 12 orësh, është bërë e mundur nxjerrja nga humnera e nënkomisarit Rrok Frroku. Operacioni për kërkimet e parcelave të kanabisit në zonat e thella të Dukagjinit i kushtuan shumë 54 vjeçarit, i cili u rrëzua në humnerë për shkak të terrenit mjaft të thepisur. Ngjarja ndodhi ditën e djeshme në mesditë rreth orës 12:00 dhe në ndihmë i kanë shkuar menjëherë forcat blu me disa grupe të RENEA-s dhe me ekipe mjekësore nga spitali Rajonal i Shkodrës.

Kolegët dhe ekipet e ndihmës së shpejtë nuk mundën që ta nxirrnin ndaj u kërkua dhe ndihma më e specializuar. Pas nxjerrjes së Frrokut nga humnera, ekipet po ecin në këmbë mes terrenit të vështirë për ta transportuar në një vend ku mund të ulet helikopteri.

Lëvizja e mëtejshme e efektivit nga pika ku është nxjerrë nga humnera, po kryhet me shumë vështirësi nga shërbimet e Policisë, zjarrfikësit dhe urgjenca mjekësore, për shkak të terrenit shumë të vështirë. Nga pika fundore e rrugës që shkon automjeti deri në vendin ku aktualisht ndodhet punonjësi i dëmtuar i Policisë, është 6 orë me këmbë.

Pritet nga momenti në moment mbërritja e helikopterit për të bërë të mundur transportin e Frrokut në spital.

(a.b)/dosja.al

Sondazh

Poll

MË SHUMË