Aktualitet

“Jetonin me gjak zemre e një mijë halle”/ Flasin fqinjët e familjes Kola pas tragjedisë

Nëna me dy vajzat kanë ndërruar jetë pasi kanë rënë në kontakt me energjinë elektrike.

28 Maj 2022, 21:34 Nga DOSJA
“Jetonin me gjak zemre e një mijë halle”/ Flasin
Fqinja e familje Kola

FUSHË ARRËZ- Fqinjët e familjes Kola, në të cilën humbën jetën këtë të premte nëna me dy vajzat thanë se jetonin në kushte të vështira ekonomike.

“Boll njerëz të urtë”, tha njëra nga fqinjet.

“Familje me halle, të mrekullueshëm, duke jetu me gjak të zemrës, nuk e di si ka ndodh kam qenë në punë, kanë edhe dy djem”, tha një fqinje tjetër.

“Në Fushë Arrez më keq s’ka, pa punë, fukara, s’kanë ku punojnë, s’kanë me ca të hanë, janë fukarenj, bukë me ngrënë nuk kanë. Këto e shumëkush në Fushë Arrëz, jetesa është shumë e vështirë në Fushë Arrëz. Do të marrësh borxh e të cosh fëmijët në shkollë. Kanë çuar në shkollë të lartë me një mijë halle. Në shkollë të lartë në Tiranë a Durrës”, tha fqinja.

Nëna me dy vajzat kanë ndërruar jetë pasi kanë rënë në kontakt me energjinë elektrike. Ngjarja ka ndodhur aksidentalisht dhe pasi ka rënë në kontakt me energjinë elektrike njëra nga vajzat, në ndihmë të saj ka shkuar edhe e ëma dhe motra tjetër, por elektriciteti është përcjellë duke i marrë jetën edhe atyre.

Njëra nga vajzat është futur për t’u larë dhe për shkak të rrjetit të amortizuar, ka rënë në kontakt me energjinë elektrike. Për ta ndihmuar ka shkuar edhe nëna me motrën, të cilat kanë pasur të njëjtin fat duke ndërruar jetë. Familja jetonte në kushte të vështira ekonomike.

Marrë nga TOP-Channel

 

Sondazh

Poll

MË SHUMË