Sport

‘Djali i Artë’ për finalen: "Ky Liverpool është ndër më të mirët, shumë i fortë edhe për Realin!"

Michael Owen, pas vitesh te Liverpool, është transferuar te Reali, por ai është ende një bir i “Anfield”. Ndaj është e pamundur të pritet një zemër e ndarë përgjysmë për ish-“Topin e Artë”, i cili për finalen e Parisit voton dhe do të brohorasë për “Reds”

27 Maj 2022, 12:23 Nga DOSJA
‘Djali i Artë’ për finalen: "Ky Liverpool

ANGLI - Finalja e Champions League mes Real Madridit dhe Liverpoolit ka në mes shumë “ish”. Normale, duke qenë se bëhet fjalë për dy klube të mëdha, që kanë pasur dhe kanë histori kampionësh. Do të mjaftonte të mendonim për Xabi Alonson, protagonist fillimisht te “Reds” dhe më pas te “Blancos”. 

Ose për “Topin e Artë” të vitit 2001, Michael Owen, i cili pas vitesh te Liverpool u transferua te Reali Madridi, por ende mbetet një bir i Anfield. Prandaj është e pamundur të presësh një zemër të ndarë përgjysmë për “Djalin e Artë”, duke pasur parasysh se Reali do të jetë akoma Real, por që dashuria e një jete nuk mund të komandohet. Dhe në parashikimet e tij për finalen e madhe... ajo bie në sy.

SHUMË FORTË - "Liverpooli është më i mirë se Reali dhe mund të fitojë, unë parashikoj një 3-1 ose 3-0, mendoj se ata mund të fitojnë bindshëm. Ata janë një ekip i jashtëzakonshëm, shumë i fortë për Realin." Fjalë të raportuar nga “AS”, gjë që lë pak dyshime për mendimin e Owen. Por ai paralajmëron që të mos nënvlerësohen “Blancos”. 

"Reali ishte fenomenal për të arritur në finale, jam i sigurt se ata tashmë mendojnë se e kanë fituar atë, pasi eliminuan Chelsean dhe Cityn në një mënyrë të jashtëzakonshme. Por Liverpool ka shumë përvojë dhe është shumë i fortë, edhe pse Reali është skuadra më e mire, kur bëhet fjalë për të fituar ndeshje të ngushta”. 

Megjithatë brohoritja do të jetë gjithçka për të kuqtë. “Të gjithë e dinë që kam kaluar gjysmën e jetës sime në Liverpool, në Madrid kam pasur një përvojë të mrekullueshme, ishte e mrekullueshme të luaja me “los blancos”, por unë do të shkoj me Liverpoolin”.

MË I MIRI I TE GJITHE KOHERAVE - Një Liverpool, që sipas “Topit të Artë” të vitit 2001 është tashmë në legjendën e futbollit. "A është Liverpool skuadra më e mirë në botë? Kjo është një nga skuadrat më të mira. Nëse ata fitojnë Champions, do të jenë tre trofe të sezonit, ndërkohë që ishin shumë afër me të katërtin. Nuk mendoj se ka është një ekip, të paktën jo në Angli, që ka bërë kaq mirë ndonjëherë në një sezon. Ky është Liverpooli më i mirë që kam parë ndonjëherë." 

B.T (Dosja.al)

Sondazh

Poll

MË SHUMË