Bota

Aksidenti në Austri, Ministria e Jashtme e Kosovës: 8 pasagjerë të lënduar

Në një njoftim Ministria e Punëve të Jashtme dhe Diasporës së Kosovës tha se tetë persona kanë marrë ndihmë mjekësore në Salzburg të Austrisë.

19 Maj 2022, 12:32 Nga DOSJA

Aksidenti në Austri, Ministria e Jashtme e Kosovës: 8 pasagjerë

Autobuzi i aksidentuar

AUSTRI- Një autobus me targa të Kosovës i cili udhëtonte drejt Gjermanisë është aksidentuar mbrëmë rreth orës 03:00 në afërsi të Salzburgut në Austri.

Në një njoftim Ministria e Punëve të Jashtme dhe Diasporës së Kosovës tha se tetë persona kanë marrë ndihmë mjekësore në Salzburg të Austrisë.

“Deri në këtë fazë mund të konfirmojmë se nuk ka asnjë viktimë, dhe shtatë nga tetë personat që kanë pësuar lëndime, janë trajtuar dhe janë në gjendje të mirë shëndetësore. MPJD do t’ju mbajë të përditësuar në vazhdimësi për rastin”, thuhet në njoftim.

Autobuzi i aksidentuar

MPJD tha po ashtu se ambasadori i Kosovës në Austri, Lulzim Pllana, ka shkuar menjëherë në vendin e ngjarjes dhe është duke ofruar mbështetjen e ambasadës së Kosovës për të gjithë të lënduarit dhe familjet e tyre.

Sipas raportimeve në autobuz ndodheshin 25 pasagjerë dhe fillimisht u tha se 20 prej tyre u lënduan, 3 prej të cilëve ishin në

Ndërkohë në vendngjarje shkuan menjëherë forca të shumta policie, ekipet e zjarrëfikësve si dhe Kryqi i Kuq.

“Aktualisht kemi informacione për tre të plagosur rëndë dhe 16 të plagosur lehtë”,-tha zëdhënësja e Kryqit të Kuq, Roberta Thanner.

Aksidenti ndodhi rreth orës 03:00 në një autostradë nga Salzburgu në drejtim të Vjenës. Autobusi me rreth 25 pasagjerë, me gjasë, është përplasur në mbrojtësen prej betoni të autostradës, por shkaqet e aksidentit ende janë të paqarta, kishte thënë zëdhënësi i policisë, Hans Ëolfgruber.

(d.a/dosja.al)