Bota

Krimiologu italian: Mafia e re e krijuar në Europë është ajo shqiptare

Kriminologu ka thënë se aleancat me narko-t e Amerikës së Jugut, Ndrangheta dhe prodhuesit e heroinës i lejojnë mafjat shqiptare të menaxhojnë sasi të mëdha droge me cilësi të lartë me çmime shumë konkurruese.

19 Maj 2022, 11:26 Nga DOSJA

Krimiologu italian: Mafia e re e krijuar në Europë është ajo

ITALI-Kriminologu Vincenzo Musacchio në Agjencinë Europiane “Euro Desk” nxjerr në pah rrezikun e shfaqur të mafias shqiptare në Bashkimin Europian.

Sipas mediave të huaja, Shqipëria ka qenë ndër prodhuesit më të mëdhenj të kanabisit në Evropë për më shumë se një dekadë. Është një shtet themelor për tranzitin e heroinës nga Lindja, si dhe për atë të kokainës nga Amerika Latine. 

Kriminologu ka thënë se aleancat me narko-t e Amerikës së Jugut, Ndrangheta dhe prodhuesit e heroinës i lejojnë mafjat shqiptare të menaxhojnë sasi të mëdha droge me cilësi të lartë me çmime shumë konkurruese.

"Ata kanë strukturuar një sistem autonom që ka trafik, përpunim dhe shpërndarje në të. Ata tani kontrollojnë një pjesë të konsiderueshme të trafikut të drogës në Europë. Ata dominojnë rrugën ballkanike e cila është vendimtare në trafikun e drogës nga Turqia, Irani, Afganistani dhe Pakistani. Droga arrin në tokë përmes Maqedonisë së Veriut, Greqisë dhe Malit të Zi"-tha ai.

Ndërkohë Musaccho ka thënë se mafja në shqipëri bashkëpunojnë në familje dhe korruptojnë politikanët.

"Organizatat kriminale shqiptare dominohen nga komponenti familjar në stilin e plotë mafioz (i ashtuquajturi 'modeli Ndrangheta). Shqiptarët sot janë ndër organizatat kriminale më të fuqishme në Evropë. Ata bashkëpunojnë me politikanë dhe zyrtarë shtetërorë dhe janë në gjendje të ndikojnë në zgjedhje duke drejtuar votën. Ata e alternojnë dhunën me korrupsionin dhe kanë kontakte me rrjetet kriminale turke, kosovare dhe malazeze.

Ato janë të pranishme në Itali, Belgjikë, Holandë dhe Mbretërinë e Bashkuar. Krimi i organizuar shqiptar ndërvepron edhe me kartelet e Amerikës Jugore dhe Qendrore (kolumbiane dhe meksikane).Këto mafia të reja po bëhen gjithnjë e më të fuqishme si për shkak të mungesës së kapaciteteve të drejtësisë shqiptare për t'i luftuar ato, ashtu edhe për shkak të korrupsionit mbizotërues që ka mbërthyer vendin. E gjithë kjo konfirmon progresin e dobët aktual në luftën e Shqipërisë kundër krimit të organizuar,”-tha ai.

(j.c)/dosja.al 

Sondazh

Poll

MË SHUMË