Politike

Presidenti/ Vasili: Abort total, vetëm zhurmë e për faqe të zezë

Ai tha se i vetmi qëllim që ka kryeministri Rama është të rrëmbejë institucionin e Presidentit. 

16 Maj 2022, 17:55 Nga DOSJA
Presidenti/ Vasili: Abort total, vetëm zhurmë e për faqe të
Petrit Vasili

TIRANË- Nënkryetari i Lëvizjes Socialiste për Integrim Petrit Vasili e ka konsideruar mbylljen e një pjesë të parë të farsës së kryeministrit Edi Rama, raundin e parë që u zhvillua sot në Kuvend. Në një deklaratë për mediat, Vasili tha se sot nuk u soll asnjë 'kloun' në Kuvend, referuar emrave të kandidatëve për President. Ai tha se i vetmi qëllim që ka kryeministri Rama është të rrëmbejë institucionin e Presidentit. 

"Ishte vetëm për zhurmë, për të tërhequr vëmendjen nga aferat që rëndojnë mbi këtë qeveri. Tendera sekretë dhe me gjithë daullet e çara i rilindjes, patë që procesi ishte vetëm një abort total. Aborti ishte i plotë, së paku për sy e faqe për të justifikuar ato orë që ju kanë marrë juve, nuk sollën asnjë kloun. Ishte një faqe e zezë e vërtetë, kjo farsë është një fund. Edi Rama nuk ka proces, nuk ka seriozitet, ka vetëm qëllimin të rrëmbejë institucionin e presidentit. Ai do çojë në parlament rripin e tij. Dita e sotme i vuri vulën qëndrimit tonë. Komedia mbaroi me 5 sekonda,"- tha Vasili.

Kuvendi i Shqipërisë është mbledhur dhe seanca për Presidentin e ri është ezauruar brenda pak minutave pasi nuk kishte asnjë kandidat. Tashmë pritet që Konferenca e Kryetarëve të përcaktojë datën për raundin e dytë, i cili nuk mund të mbahet përtej afatit 7 ditor nga dita e sotme. Mbledhja e Konferencës së Kyetarëve pritet të mbahet nesër. PS ka zgjedhur datën 20 maj për zhvillimin e raundit të dytë, ndërsa PD kërkon datën 23 për të respektur diferencën prej 7 ditësh mes raundeve.

(F.m/dosja.al)

Sondazh

Poll

MË SHUMË