Sport

“Shumë gjëra do të ndryshojnë pas Katarit”/ Deklarata e Messit shkakton mijëra interpretime

26 Mars 2022, 17:13 Nga DOSJA
“Shumë gjëra do të ndryshojnë pas Katarit”/

ARGJENTINË– Argjentina, tashmë e kualifikuar për në Botërorin e Katarit, mundi Venezuelën në Bombonera dhe një nga tre golat e përfaqësueses argjentinase u shënua nga Lionel Messi. E ardhmja e tij, si për klubin me të cilin do ta mbyllë karrierën (flitet për një rikthim të bujshëm në Barcelonë në fund të sezonit), ashtu edhe për kombëtaren, është e gjitha për t’u deshifruar.

Megjithatë, ka më shumë se një të dhënë që sugjeron se argjentinasi mund t’i japë fund përvojës shumëvjeçare me fanellën e Argjentinës në fund të Botërorit të ardhshëm.

Pas ndeshjes, në fakt ai la të kuptohet se diçka në marrëdhënien e tij me kombëtaren është e destinuar të ndryshojë: ‘Nuk e di se çfarë do të bëj pas Botërorit. Unë jam duke menduar për atë që do të vijë, do të më duhet të rivlerësoj shumë gjëra pas Katarit. Nuk e di nëse do të vazhdoj me Argjentinën.

Për momentin po mendoj se çfarë do të vijë më pas, mendoj vetëm të përballem me Ekuadorin dhe më pas ndeshjet përgatitore për Botërorin e planifikuar në qershor dhe shtator. Shpresoj që të shkojnë në mënyrën më të mirë. Shumë gjëra me siguri do të ndryshojnë pas Kupës së Botës. Unë kam qenë i lumtur këtu për një kohë, që para se të fitoja Kupën e Amerikës. Unë jam mirënjohës për gjithë këtë’.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport argjentina messi argjentina messi

Sondazh

Poll

MË SHUMË