Sport

Hetimi mbi pagat dhe dokumentat private, ja çfarë rrezikon klubi i Juventusit

26 Mars 2022, 15:25 Nga DOSJA

Hetimi mbi pagat dhe dokumentat private, ja çfarë rrezikon klubi i

ITALI– Mes dokumenteve private dhe lojtarëve të dëgjuar në Prokurorinë e Torinos, vijon hetimi për akuzën e bilanceve të rremë ndaj Juventusit. Në shënjestër janë akordet e pretenduara të firmosura privatisht mes klubit të Juventusit dhe të teseruarve të tyre për kthimin e pagave, pas shkurtimit të pagave mujore me një kursim buxheti prej 90 milionë euro. Prej kësaj shume, për Prokurorinë Publike të Torinos, 67 milionë i ishin kthyer mbrapsht klubit, duke çuar në gjenerimin e kontabilitetit të rremë.

Dokumentet private që hetuesit kërkojnë janë zhdukur pasi kanë mbaruar afatet e garancisë dhe, për këtë arsye, u thirrën lojtarët si njerëz të informuar për faktet, gjithashtu edhe për të kuptuar shkurtimet individuale dhe metodat e kthimit të pagës.

Nga pikëpamja sportive, Juventus rrezikon diçka nëse konstatohen këto shkelje, sidomos nga pikëpamja e dokumentave private. Vetë neni 31 paragrafi 3 i Kodit parashikon se shoqëria që bie dakord me anëtarët e saj ose u paguan atyre shpërblime ose dëmshpërblime në kundërshtim me dispozitat federale në fuqi, dënohet me gjobë nga një deri në trefishin e shumës së rënë dakord në mënyrë të paligjshme ose të paguara, të cilave mund t’i shtohet dënimi me një ose më shumë pikë në renditje “dhe në paragrafin 8 thuhet se lojtarët që marrin tarifat e sipërpërmendura” i nënshtrohen dënimit me skualifikim për një kohëzgjatje jo më pak se një muaj”.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport allegri juventus torino allegri juventus torino