Aktualitet

GJK nuk shkarkon Metën, PS: Shkelje ka por jo të rënda! PD: Heshtje! (Basha nuk komenton)

17 Shkurt 2022, 09:25 Nga DOSJA

GJK nuk shkarkon Metën, PS: Shkelje ka por jo të rënda! PD:

TIRANE– Me 6 vota kundër dhe 1 pro, Gjykata Kushtetuese ka vendosur që të mos e shkarkojë nga detyra presidentin e Republikës, Ilir Meta me argumentin se nuk ka kryer shkelje të rënda të Kushtetutës. Vendimi u publikua mbrëmjen e të mërkurës duke i dhënë kështu fund një debati të nisur prej gati dy vitesh për shkarkimin e Metës nga maxhoranca socialiste. Ky vendim i jep legjitimitet Metës për të përfunduar mandatin e tij deri më 24 korrik 2022, datë kur merr detyrën presidenti i ri i cili pritet të zgjidhet pranverën e këtij viti. Në vendimin e GJK, thuhet se Meta nuk ka kryer “shkelje të rënda të Kushtetutës” dhe për këtë arsye nuk është e arsyeshme kërkesa për shkarkimin e tij.

“Në lidhje me shkaqet për të cilat Kuvendi ka vendosur shkarkimin e Presidentit, Gjykata Kushtetuese, pasi përcaktoi elementet objektive të “shkeljes së rëndë të Kushtetutës” të parashikuar në nenin 90, pika 2, të Kushtetutës, si dhe vlerësoi kërkesën e nenit 90, pika 3, të Kushtetutës për të vërtetuar fajësinë e Presidentit, arriti në përfundimin se: 1. Faktet e paraqitura si shkelje të nenit 86, pika 1, dhe nenit 89 të Kushtetutës, nuk përbëjnë shkelje të rënda të Kushtetutës. 2. Nuk ka shkelje të rëndë të nenit 88, pika 3, të Kushtetutës, pasi: – Faktet që lidhen me të drejtat në procesin zgjedhor nuk përbëjnë shkelje të rënda të Kushtetutës. – Faktet që lidhen me marrëdhëniet me partnerët strategjikë nuk përbëjnë shkelje të Kushtetutës. – Faktet e paraqitura si shkelje që lidhen me pavarësinë e organeve publike nuk përbëjnë shkelje të Kushtetutës. – Faktet e paraqitura si shkelje të rendit dhe sigurisë publike nuk përbëjnë shkelje të Kushtetutës. 3. Faktet e paraqitura si shkelje të nenit 94 të Kushtetutës nuk përbëjnë shkelje të Kushtetutës,”-shkruhet në vendimin e marrë nga Gjykata Kushtetuese.

Altin Binaj është gjyqtari që votoi pro shkarkimit të presidentit të Republikës ndërsa gjashtë anëtarët e tjerë votuan kundër.

Pas publikimit të vendimit nga ana e Gjykatës Kushtetuese, presidenti Ilir Meta ende nuk ka reaguar vetë. Ai ka zgjedhur të japë një mesazh përmes këshilltarit të tij mediatik, Tedi Blushi, i cili e quan vendimin si “zero surprizë”. Një reagim ka ardhur edhe nga Këshilltari Ligjor i presidentit të Republikës, Bledar Dervishaj i cili thotë se kush qëndron krah të vërtetës është i çliruar.

Por teksa Ilir Meta po zgjedh fjalët për të menduar me gjasë reagimin e tij, maxhoranca ka heshtur. Asnjë koment deri tani nuk ka ardhur nga ana e socialistëve që kërkuan me ngulm shkarkimin e tij. I vetmi reagim nga ana e Partisë Socialiste është komenti i deputetit Erion Braçe i cili tha jashtë dyerve të Kuvendit se “vendimi i Gjykatës Kushtetuese duhet respektuar, para gjykatës nuk ka as të humbur as të fituar”.

I të njëjtit qëndrim ka qenë edhe kryetari i grupit të Partisë Demokratike, Enkelejd Alibeaj, i cili ka thënë se “kur flet gjykata të gjithë heshtin”. Partia e Presidentit të Republikës, Ilir Meta, LSI përmes nënkryetarit të grupit, Petrit Vasili tha se sot është një ditë për të reflektuar.

Vendimi për shkarkimin e presidentit ka marrë zë edhe në mediat e huaja. Washington Post shkruan se gjykata i dha të drejtë presidentit që kundërshton axhendën e socialistëve ndërsa REL vë theksin se argumenti i Gjykatës Kushtetuese se Meta nuk ka kryer shkelje të rëndë kushtetuese.

ZHVILLIMET ORE PAS ORE:

Meta nuk u shkarkua/ “Filmi vazhdon” , Rama-komentuesit: Ke ngatërruar adresë

Vendimi i GJK për Metën, ambasada e SHBA: Demonstroi pavarësi dhe integritet

ME EMËR! I vetmi që votoi PRO shkarkimit të Metës, kush është gjyqtari i Kushtetutës

GJK për Metën, DW analizon vendimin: Pika e fortë e përfaqësuesve të presidentit ishte…

Komenti për Metën? Berisha nxiton: Kam fjalën në Kuvend, ata mezi presin t’ma heqin fjalën

Vendimi për Metën! Socialistët e marrim me sportivitet, Pëllumbi: Nuk është ndonjë gjë

‘Shkarkimi i Metës’/ ZBARDHEN votat, 6 anëtarët e Kushtetueses votuan kundër, kush doli PRO

Meta nuk u shkarkua! Braçe: Nuk ka as të humbur dhe as të fituar, vendimi i GJK të zbatohet

“E vërteta na çliron”, këshilltari i Metës përshëndet vendimin e Gjykatës Kushtetuese

WP: GJK rrëzoi shkarkimin e presidentit Ilir Meta, kundërshton axhendën e socialistëve

REL: Gjykata Kushtetuese rrëzon Kuvendin, presidenti Ilir Meta nuk shkarkohet

GJK merr vendimin për Ilir Metën, nuk e shkarkon: S’ka shkelje të rënda të Kushtetutës!

(f.g/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore politike ilir meta shkarkimi i metes 2 ilir meta shkarkimi i metes 2