6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– Ilir Meta do të jetë president i vendit deri në 24 korrik të këtij viti! Gjykata Kushtetuese ka vendosur që të mos shkarkojë Ilir Meta nga posti i kreut të shtetit pasi kanë dalë në përfundimin se nuk ka kryer shkelje të rëndë ta Kushtetutës, ashtu siç pretendonte maxhoranca. Në njoftimin e shpërndarë mbrëmjen e kaluar, në orën 11:10, trupa gjykuese e Gjykatës Kushtetuese ka vendosur se legjislatura IX e Kuvendit, ka pasur legjitimitet për të vijuar me procesin e shkarkimit të kreut të shtetit, e po ashtu shtoi se ka verifikuar edhe procedurën e ndjekur nga Kuvendi për ngritjen e komisionit hetimor, ku gjithashtu nuk kanë gjetur shkelje kushtetuese. Duke u ndalur në 3 pika konkrete, të cilat janë renditur, organi më i lartë i drejtësisë në vend ka vendosur se asnjë nga pikat ku maxhoranca pretendon se Meta i ka tejkaluar kompetencat e tij, nuk qëndrojnë. Pretendimet se Meta ka ndërhyrë në procesin zgjedhor; ka ‘tensionuar’ marrëdhëniet me partnerët strategjikë apo dhe se ka cënuar sigurinë publike, nuk përbëjnë shkelje të Kushtetutës. E rrjedhimisht as të betimit që Meta ka bërë për të qenë mbi palët.
“Në lidhje me shkaqet për të cilat Kuvendi ka vendosur shkarkimin e Presidentit, Gjykata Kushtetuese, pasi përcaktoi elementet objektive të “shkeljes së rëndë të Kushtetutës” të parashikuar në nenin 90, pika 2, të Kushtetutës, si dhe vlerësoi kërkesën e nenit 90, pika 3, të Kushtetutës për të vërtetuar fajësinë e Presidentit, arriti në përfundimin se: 1. Faktet e paraqitura si shkelje të nenit 86, pika 1, dhe nenit 89 të Kushtetutës, nuk përbëjnë shkelje të rënda të Kushtetutës. 2. Nuk ka shkelje të rëndë të nenit 88, pika 3, të Kushtetutës, pasi: – Faktet që lidhen me të drejtat në procesin zgjedhor nuk përbëjnë shkelje të rënda të Kushtetutës. – Faktet që lidhen me marrëdhëniet me partnerët strategjikë nuk përbëjnë shkelje të Kushtetutës. – Faktet e paraqitura si shkelje që lidhen me pavarësinë e organeve publike nuk përbëjnë shkelje të Kushtetutës. – Faktet e paraqitura si shkelje të rendit dhe sigurisë publike nuk përbëjnë shkelje të Kushtetutës. 3. Faktet e paraqitura si shkelje të nenit 94 të Kushtetutës nuk përbëjnë shkelje të Kushtetutës,”-shkruhet në vendimin e marrë nga Gjykata Kushtetuese.
Pas shpalljes së vendimit, Meta nuk ka reaguar por zëdhënësi i tij për mediat, Tedi Blushi e ka bërë. Në një postim në rrjetet sociale ai shkruan se vendimi është pritur me zero surprizë nga Presidenti, ndërsa maxhoranca ende nuk ka dalë me asnjë qëndrim zyrtar pas rrëzimit të padisë. Por kjo nuk është beteja e fundit ligjore mes tyre! Ai ka depozituar një padi në Prokurorinë e Tiranë dhe në Prokurorinë e Posaçme SPAK, duke akuzuar maxhorancën se provat e paraqitura ndaj tij në procesin gjyqësor ishin të manipunuara, e gjitha për të bërë të mundur shkarkimin e tij brenda afatit të përcaktuar nga ligji. Këshilltari ligjor i tij, Bledar Dervishaj shpjegoi sesi Kuvendi nuk kishte respektuar afatin 48 orë për mbledhjen e Komisionit Hetimor duke manipuluar përmbajtjen e shkresave dhe të datave në dokumentat zyrtare.
NJOFTIMI I PLOTË:
Gjykata Kushtetuese e Republikës së Shqipërisë mori në shqyrtim në seancat plenare publike të datave 01.02.2022, 03.02.2022 dhe 07.02.2022 vendimin nr. 55/2021, datë 09.06.2021 të Kuvendit të Shqipërisë “Për shkarkimin e Presidentit të Republikës së Shqipërisë për shkelje të rënda të Kushtetutës”. Në përfundim të shqyrtimit të kësaj çështjeje, Gjykata Kushtetuese vlerësoi se: Ajo ka juridiksion për shqyrtimin e kësaj çështjeje, në përputhje me parashikimet e neneve 90 dhe 131, pika 1, shkronja “dh” të Kushtetutës dhe brenda kufijve të shqyrtimit të saj hyjnë si verifikimi i procedurave të ndjekura nga Kuvendi, ashtu edhe përcaktimi i shkeljes së rëndë, si dhe provueshmëria e fakteve përkatëse. Kuvendi ka legjitimitet për të qenë palë në këtë proces. Legjislatura X e Kuvendit, bazuar në parimin e vazhdimësisë institucionale, ka legjitimitet për të përfaqësuar Legjislaturën IX të tij.
Po ashtu, Legjislatura IX e Kuvendit, ka pasur legjitimitet substancial, në vlerësim të momentit të konstituimit të Kuvendit, zëvendësimit të deputetëve, numrit të përgjithshëm të deputetëve, mungesës së vendimeve të organeve kompetente për të deklaruar parregullsinë apo pavlefshmërinë e zëvendësimit të mandateve dhe mundësisë së kësaj Legjislature për të arritur kuorumet e nevojshme, si dhe tërësisë së ligjeve dhe vendimeve të miratuara. Gjykata Kushtetuese, pasi verifikoi procedurën e ndjekur nga Kuvendi për ngritjen e komisionit hetimor, garantimin e së drejtës së Presidentit për t`u dëgjuar dhe për t`u mbrojtur dhe duke mbajtur në konsideratë pavarësinë organizative të Kuvendit, në tërësi konstatoi se nuk ka pasur shkelje kushtetuese gjatë kësaj procedure.
Në lidhje me shkaqet për të cilat Kuvendi ka vendosur shkarkimin e Presidentit, Gjykata Kushtetuese, pasi përcaktoi elementet objektive të “shkeljes së rëndë të Kushtetutës” të parashikuar në nenin 90, pika 2, të Kushtetutës, si dhe vlerësoi kërkesën e nenit 90, pika 3, të Kushtetutës për të vërtetuar fajësinë e Presidentit, arriti në përfundimin se: 1. Faktet e paraqitura si shkelje të nenit 86, pika 1, dhe nenit 89 të Kushtetutës, nuk përbëjnë shkelje të rënda të Kushtetutës. 2. Nuk ka shkelje të rëndë të nenit 88, pika 3, të Kushtetutës, pasi: – Faktet që lidhen me të drejtat në procesin zgjedhor nuk përbëjnë shkelje të rënda të Kushtetutës. – Faktet që lidhen me marrëdhëniet me partnerët strategjikë nuk përbëjnë shkelje të Kushtetutës. – Faktet e paraqitura si shkelje që lidhen me pavarësinë e organeve publike nuk përbëjnë shkelje të Kushtetutës. – Faktet e paraqitura si shkelje të rendit dhe sigurisë publike nuk përbëjnë shkelje të Kushtetutës.
3. Faktet e paraqitura si shkelje të nenit 94 të Kushtetutës nuk përbëjnë shkelje të Kushtetutës. Për këto arsye, Gjykata Kushtetuese e Republikës së Shqipërisë, bazuar në nenet 90, pika 2 dhe 131, pika 1, shkronja “dh”, të Kushtetutës, si dhe nenin 63, pika 2, të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë” të ndryshuar,
VENDOSI:
– Shfuqizimin e vendimit nr. 55/2021, datë 09.06.2021 të Kuvendit të Shqipërisë “Për shkarkimin e Presidentit të Republikës së Shqipërisë për shkelje të rënda të Kushtetutës”. Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar dhe nga Rregullorja për procedurat gjyqësore të Gjykatës Kushtetuese.
Kjo është hera e dytë që maxhoranca dhe Partia Socialiste tentojnë të shkarkojnë kreun e shtetit. Por herën e parë dosja nuk shkoi deri në GJK. Kësaj here maxhoranca ngriti një komision hetimor për shkarkimin e Presidentit, i cili sipas tyre ka kryer në mënyrë të përsëritur disa akte dhe sjellje që përbëjnë shkelje të rënda dhe flagrante të Kushtetutës. Meta u përfshi në një sërë replikash të ashpra dhe përplasje me Partinë Socialiste ku në fokus ishin zgjedhjet e 25 prillit, duke përdorur deklarata si: “do t’i presim dorën atij që prek votën”, apo “bëni gati sfurqet dhe kosat”. Po ashtu, Meta kishte dhe përplasje me ambasadoren amerikane Yuri Kim. Për të gjitha këto, duke shtuar pretendimet për ndërhyrje në fushatën zgjedhore, PS vendosi që të niste procesin për shkarkimin e tij me pretendimin se Meta kishte shkelur betimin për të qenë president mbi palët, që sipas GJK nuk qëndron.
SHIKO EDHE KËTË:
‘Shkarkimi i Metës’/ ZBARDHEN votat, 6 anëtarët e Kushtetueses votuan PRO, kush doli kundër
Meta në detyrë! VOA: Gjykata Kushtetuese rrëzon parlamentin, Presidenti s’shkarkohet
Meta s’u shkarkua nga GJK/ Këshilltari ligjor: Kush qëndron i palëkundur, s’rrëzohet
Gjykata Kushtetuese nuk e shkarkoi, vjen reagimi i parë nga Meta: ZERO SURPRIZË!
(k.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
BERAT- Fermerët e Beratit do të ngrihen në protestë ditën e dielë. Në një postim të shpërndarë në rrjetet sociale, njoftohet se protesta do të mbahet në orën 11...
TIRANË– Me rastin e pavarësisë së Kosovës kryeministri Edi Rama ka ndarë një lajm që prek qytetarët e Kosovës. Me anë të një video të ndarë në ‘...
DURRËS– Një vajzë e re është tentuar që të rrëmbehet në qytetin e Durrësit. Policia informon se autor ishte një 23-vjeçar, i cili dyshohet se ...
TIRANE– Na ndajnë vetëm 2 ditë nga finalja e madhe e edicionit të Big Brother Vip, ku 4 finalistët Einxhell Shkira, Beniada Nishani, Ilir Shaqiri dhe Dona...
BRITANI E MADHE – Shqiptari Andi Salaj është dënuar me 12 vite burg për veprën penale të trafikimit të lëndës narkotike, lloji kanabis. 26-vjeçari ...
LEZHË- Farmacistja Kristjana Luka është arrestuar në Lezhë ndërsa në kërkim është shpallur administratorja, Aurora Ujka. Dy gratë u arrestuan pas finalizim...
TIRANË– Dhuna e ushtruar ndaj operatorit dhe gazetarit të emisionit ‘Stop’ është dënuar nga drejtuesi i emisionit Saimir Kodra. Ai ka kër...
TIRANË– Nëndrejtori i Burgjeve, Femi Sufaj ka folur për koston e të dënuarve në burgjet e vendit. Në një intervistë për emisionin “Bardh a Zi”, Sufaj...
TIRANË– Dosja.al ju sjell titujt kryesorë të portaleve për ditën e sotme. Balkan web ka në faqe të para lajmin kryesor për pavarësinë e Kosovës dhe u...
NJOFTIMI I POLICISË:Materialet në ngarkim të shtetasit të mësipërm i kaluan Prokurorisë Pranë Gjykatës së Shkallës së Parë Gjirokastër për veprën penale &#...
