Sport

Fishekzjarri i dëmtoi sytë, një vit më vonë ai rikthehet të luajë: historia e futbollistit

11 Shkurt 2022, 18:57 Nga DOSJA
Fishekzjarri i dëmtoi sytë, një vit më vonë ai

TURQI-Një shaka që përfundoi keq, vërtet shumë keq. Ishte nata e Vitit të Ri 2021 kur një fishekzjarrë shpërtheu pranë fytyrës së Omar Elabdellaoui, mbrojtësit 30-vjeçar të Galatasaray-t dhe kombëtares norvegjeze.

Një aksident që i shkaktoi edhe humbjen e të dy syve. “Kur fishekzjarret shpërthyen para meje, nuk pashë më asgjë, thjesht mendova se kishte diçka në sytë e mi që mund të hiqej duke i pastruar normalisht. Por menjëherë pas kësaj ndjeva se fytyra më digjej dhe u nxi plotësisht. Të jetosh ditët e para në ato kushte ishte vërtet e tmerrshme, nuk e dija nëse ishte natë apo ditë”, tha mbrojtësi i krahut për The Guardian.

Pas aksidentit, gjendja e lojtarit u shfaq shumë e rëndë, dhe shanset për të rifituar shikimin ishin shumë të dobëta. Midis 5 dhe 10% sipas mjekëve. Megjithatë, në Institutin e Syve të Cincinnati, ata ia dolën për të rikthyer dritën në jetën e norvegjezit. Terapi riparuese inovative, sy të rindërtuar me një membranë amniotike të placentës së njeriut.

“Fillimi për të parë përsëri ishte një emocion i pashpjegueshëm, i paimagjinueshëm,” shpjegoi Elabdellaoui. “Ishte një mrekulli, një ëndërr. Dikush e merr shikimin si të mirëqenë, por megjithatë është një dhuratë e pamasë.”

 

 

 

A post shared by Omar Elabdellaoui (@omarelabdellaoui)

Galatasaray ka qenë gjithmonë pranë lojtarit, deri në rikthimin e tij në skuadër janarin e kaluar. Mes syzeve speciale dhe lenteve, mbrojtësi ka marrë ok nga mjekët dhe më në fund do të mund të rikthehet në fushë.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport galatasaray omar elabdellaoui galatasaray omar elabdellaoui

Sondazh

Poll