Politike

Zgjedhjet e 6 marsit, Bardhi: Berisha dëmton PD-në nëse nxjerr kandidatë të pavarur

24 Janar 2022, 20:53 Nga DOSJA

Zgjedhjet e 6 marsit, Bardhi: Berisha dëmton PD-në nëse nxjerr

TIRANË- Sekretari i Përgjithshëm i Partisë Demokratike Gazment Bardhi nuk e ka mohuar krizën e brendshme në PD, duke u shprehur se në zgjedhjet e pjesshme të 6 Marsit, ata e kanë përballjen e Edi Ramën dhe kandidatin e PS-së. I ftuar në emisionin ‘Drejt’ në Ora News, Bardhi tha se kandidatët që po nxjerr ish-kryeministri Sali Berisha, janë për t’i prishur punë dhe për të dëmtuar PD-në. Ai gjithashtu tha se Berisha nuk ka asnjë mundësi që të regjistrojë asnjë kandidat në emër të PD-së.

“Nuk e mohoj problematikën e brendshme në PD, por kam bindjen e thellë se kur bëhet fjalë për përballje me kundërshtarët, pavarësisht diferencave në mendime, secili prej demokratëve dhe mbështetësve të PD do të gjykojë se në atë moment përballjen e kanë me Edi Ramën, me kandidatin e PS. Kam dëgjuar zotin Berisha që flet për kandidatë të tij. Është vijim i farsës që ka nisur zoti Berisha. Zoti Berisha, për fat të keq, nuk është më as anëtar i PD. Nuk ka asnjë mundësi për të caktuar kandidatë të PD. Mund të tentojë të dëmtojë PD në zgjedhje duke nxjerrë një kandidat të pavarur apo ndnjë mënyrë qe njeh kodi për rrëgjistrim, për të demtuar dhe për të eliminuar shanset e fitores në keto bashki nga PD. Nuk është suprizizë. Qëllimi i vetëm i zotit Berisha është dëmtimi, shkatërrimi. Pra, ose e kontrollon PD, e përdor si mburojë për interesat e tij oersonale, ose ka vendosur, ta shkatërrojë dhe të dëmtojë PD, siç po tregojnë veprimet e tij. Nuk ka asnje shans zoti Berisha të rregjistrojë kandidatë në emër dhe për llogari të PD. Ka mundësi, të cilën mesa duket do ta vendosë në jetë, qe të dëmtojë demokratët, të dëmtojë PD duke përçarë votat dhe duke i dhënë fitoren Edi Ramës, që të ketë më pas mundësinë të bërtasë që fajin e ka Lulzim Basha. Është pak a shumë e njëjta strategji që ndoqi partia e Ilir Metës në 25 prill. U la të futej në një listë të vetme për të maksimalizuar votat, dhe ne sot do të kishim shumë me shumë mandate, nuk pranoi dhe më pas ankohej duke drejtuar gishtin tek Lulzim Basha pse LSI nuk mori disa mandate për pak vota. Të njëjtën strategji po ndjek dhe Sali Berisha,” tha Bardhi.

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike edi rama gazment bardhi sali berisha zgjedhjet e pjesshme 6 mars 2022 edi rama gazment bardhi sali berisha zgjedhjet e pjesshme 6 mars 2022