Bota

Nuk deklaroi makinën 13 mijë euro, paditet ish-ministri i Kosovës,Hyseni:Nuk kam faj

11 Janar 2022, 19:36 Nga DOSJA
Nuk deklaroi makinën 13 mijë euro, paditet ish-ministri i

KOSOVË- Prokuroria Themelore në Prishtinë ka ngritur një aktakuzë ndaj ish-ministrit për Punët e Jashtme, Skënder Hyseni, në të cilin akuzohet se nuk ka bërë deklarim të saktë të pasurisë. Sipas aktakuzës së përpiluar në dhjetor të vitit 2021, Prokuroria Themelore në Prishtinë e ngarkon Hysenin se në formularin për deklarim të pasurisë nuk ka paraqitur të dhënat e kërkuara, duke mos deklaruar një veturë të tipit “Volkswagen”, në vlerë 13 mijë e 300 euro, në pronësi të bashkëshortes së tij.

Sipas aktakuzës së ushtruar nga Prokuroria Themelore në Prishtinë rezulton se më 14 gusht 2020 në Prishtinë, Skender Hyseni po akuzohet se në cilësi të zyrtarit të lartë publik – Koordinator Shtetëror për Dialog në Zyrën e Kryeministrit, me dashje nuk ka paraqitur të dhënat e kërkuara në formularin për deklarimin e pasurisë me rastin e marrjes së detyrës Koordinator Shtetëror për Dialog në Zyrën e Kryeministrit, të dorëzuar në Agjencinë Kundër Korrupsion (AKK).

Me këto veprime, prokuroria e ngarkon të akuzuarin Skender Hyseni se ka kryer veprën penale “Mosraportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare”, nga neni 430, paragrafi 2 të Kodit Penal, ku kreysi dënohet me gjobë dhe me burgim prej gjashtë muaj deri në pesë vjet. Gjobat e shqiptuara sipas këtij neni mund të jenë ditore dhe mund të shqiptohen derisa kryesi të përfill urdhrin, vendimin apo aktgjykimin e plotfuqishëm që është subjekt i veprimit.

I pyetur nga Betimi për Drejtësi, Hyseni tha se është plotësisht i pafajshëm.

“Po jam në dijeni dhe është e paqëndrueshme. Po është një lëshim teknik dhe asgjë më tepër. Vetura ka qenë duke u përdorur nga djali im dhe ka qenë thjesht lëshim teknik, janë bërë shpjegimet e duhura. Natyrisht, jam në pritje të ftesës për seancë. Jam tërësisht i pafajshëm,” tha Hyseni.

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

rajoni rajoni kosove skender hyseni kosove skender hyseni

Sondazh

Poll

MË SHUMË