Aktualitet

Dhunë dhe vjedhje / Super aksion i Policisë së Tiranës, arrestohen 7 persona

27 Dhjetor 2021, 12:36 Nga DOSJA
Dhunë dhe vjedhje / Super aksion i Policisë së Tiranës,

TIRANË – Policia e Tiranës ka kryer një operacion për kapjen e personave të shpallur në kërkim për vepra të ndryshme penale, ndërsa në 24 orët e fundit raporton për 7 të arrestuar. Kështu, sipas bluve të kryeqytetit, u arrestua në flagrancë një 39-vjeçar për dhunë ndaj gruas së tij. Po ashtu në pranga ka rënë edhe një 40-vjeçar, i cili ka tentuar ti vjedhë biçikletën një 46-vjeçari.

Njoftimi i plotë i Policisë së Tiranës:

Vihen në pranga 7 shtetas, për vepra të ndryshme penale. Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasit A. P., 39 vjeç, pasi ka ushtruar dhunë fizike ndaj bashkëshortes. Specialistët për Hetimin e Krimeve në Komisariatin e Policisë Nr. 4 bënë arrestimin në flagrancë të shtetasit K. H., 40 vjeç, pasi ka tentuar të vjedhë një biçikletë në pronësi të shtetasit A. Z., 46 vjeç.

Specialistët për Hetimin e Krimeve në Komisariatin e Policisë Nr. 5 bënë arrestimin në flagrancë të shtetasve:

– F. S., 44 vjeç, pasi ka ushtruar dhunë fizike dhe psikologjike ndaj bashkëshortes;

– I. S., 24 vjeç dhe E. H. (M)., 26 vjeç, pasi kanë shkelur masën e sigurisë “Arrest në shtëpi”, duke dalë jashtë banesës.

Specialistët e Qarkullimit Rrugor bënë arrestimin në flagrancë të shtetasve E. H., 32 vjeç dhe F. D., 26 vjeç, pasi u kapën duke drejtuar mjetet përkatëse, në gjendje të dehur.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.

(E.H/Dosja.al)

Cila mendoni se është alternativa më e mirë:

View Results

aktualitet aktualitet arrestime ne tirane policia e tiranes arrestime ne tirane policia e tiranes

Sondazh

Poll