Politike

Meta: Basha bojkotoi dhe 13 tetorin, LSI, PR e PPA u regjistruan në zgjedhje vendore

22 Nëntor 2021, 16:50 Nga DOSJA
Meta: Basha bojkotoi dhe 13 tetorin, LSI, PR e PPA u regjistruan në

TIRANË– Presidenti Ilir Meta ka zbuluar se kryedemokrati Lulzim Basha nuk është regjistruar as në zgjedhjet vendore të 13 tetorit, datë për të cilën u dakortësua me të, duke u vendosur në krahun e kryeministrit Edi Rama. Në një deklaratë për mediat që mbajti pasidten e sotme, Meta tha se ndryshe nga Basha, Partia Republikanë, Lëvizja Socialiste për Integrim dhe Partia Agrare Ambientaliste u regjistruar. Por, Basha, sipas Metës bojkotoi e për rrjedhojë zgjedhjet nuk u mbajtën duke bërë që Opozita të përfundonte jashtë zgjedhjeve vendore.


“Pas dekretimit të datës 13 tetor, veprimi më minimal që duhet të kryente Lulzim Basha ishte që të paraqiste regjistrimin në KQZ për zgjedhje, datë për të cilën ra dakprt vetë. Por çfarë ndodhi? Sipas konfirmimeve zyrtare rezulton se Lulzim Basha dhe Partia Demokratike nuk kanë denjuar të bëjnë asnjë kërkesë zyrtare për tu regjistruar në zgjedhje për të cilat Presidenti ishte konsultuar me Lulzim Bashën dhe kishte marrë dakortësinë e tij dhe të aleatëve të tij. Ndryshe nga Basha, Partia Republikane, PP-ja e LSI-ja i kanë paraqitur kërkesë KQZ-së për të marrë pjesë në zgjedhje. Basha bpjkoti jo vetëm 30 qershorin që kishte rënë dakort apo ua kishte imponuar edhe aleatëve të tij por edhe 13 tetorin datë kur aleatët e tij donin të futeshin në zgjdhje. Mbledhja që u thirr nga KQZ-ja nuk u bë kurrë sepse anëtarët e PS-së bojkotuan pasi vetë kryedemokrati kishte bojkotuar, si do të bëheshin zgjedhjet pa PD? Kujt i shërbeu Basha duke mos e regjistruar partinë në zgjedhjet e 13 tetorit? Ishte në sinkron të plotë me bojkotin e katër anëtarëve të PS-së në KQZ që organizuan zgjedhjet e paligjshme të qershorit, nuk i shërbeu aspak vendit e Opozitës. E përjashtoi totalisht nga zgjedhjet vendore, nuk e mbështeti aspak as Presidentin e Republikës. Me mosparaqitjen për t’u regjistruar në zgjedhje, Basha u vendos në krahun e Ramës, përmes një procesi hetimor të iniciuar nga një Kuvend njëpartiak. Dhe ky i dhuruar nga vetë Basha. Këto ishin disa fakte për t’ju treguar se e ka ndihmuar Basha institucionin e Presidentit. Do të ketë edhe fakte të tjera, por ky fakt ka të bëjë me të gjithë qytetarët. Ata duan llogaridhënie dhe debat, e kurrsesi një abuzim flagrant.

LAJM KRYESOR:Presidenti Ilir Meta: Do nxjerr fakte për Bashën, po gënjen çdo ditë

(F.m/dosja.al)

Cila mendoni se është alternativa më e mirë:

View Results

politike politike

Sondazh

Poll

MË SHUMË