Sport

VIDEO/ Peng Shuai, tenistja kineze, u deklaron zyrtarëve të IOC, se është e sigurt

22 Nëntor 2021, 11:15 Nga DOSJA
VIDEO/ Peng Shuai, tenistja kineze, u deklaron zyrtarëve të IOC, se

KINE – Ylli kinez i tenisit, Peng Shuai ka deklaruar se ajo ishte e sigurt dhe mirë në një video-telefonatë të dielën,- ka njoftuar Komiteti Olimpik Ndërkombëtar. Në një deklaratë, IOC tha, se presidenti i saj, Thomas Bach, kishte folur me zonjën Peng për 30 minuta. “Ajo po shkonte mirë, gjë që ishte shqetësimi ynë kryesor,”- thuhet në deklaratë.

Zonja Peng, 35 vjeç, u zhduk nga sytë e publikut për gati tre javë, pasi ajo bëri akuza për një sulm seksual kundër një ministri të lartë kinez. Mungesa e saj shkaktoi shqetësim të gjerë te yjet e sportit ndërkombëtar dhe qeveritë, që i bënin thirrje Kinës që të siguronte prova se ajo ishte e sigurt.

“Në fillim të telefonatës 30-minutëshe, Peng Shuai falënderoi IOC për shqetësimin e saj për mirëqenien e saj,- thuhet në deklaratën e organizatës. – Ajo shpjegoi se është e sigurt dhe mirë, duke jetuar në shtëpinë e saj në Pekin, por do të donte të respektohej privatësia e saj në këtë kohë. Ajo preferon ta kalojë kohën e saj me miqtë dhe familjen tani,”- tha ajo. – Megjithatë, ajo do të vazhdojë të merret me tennis,”- thuhet në njoftimin e IOC.

Deklarata e IOC përfshinte gjithashtu një imazh të video-telefonatës, ku zonja Peng u pa duke buzëqeshur para kamerës. Zemërimi për zhdukjen e dukshme të yllit të tenisit nga syri i publikut bëri që media shtetërore kineze të publikonte një seri fotografish dhe videosh që dukej se tregonin se gjithçka ishte mirë.

Por një zëdhënës i Shoqatës së Tenisit të Femrave (WTA) i tha Reuters se videot ishin prova “të pamjaftueshme” për sigurinë e saj dhe nuk adresonin shqetësimet e saj për zonjushën Peng.

“Ndërsa është pozitive ta shohësh atë, mbetet e paqartë nëse ajo është e lirë dhe e aftë të marrë vendime dhe të ndërmarrë veprime vetë, pa shtrëngim apo ndërhyrje të jashtme”, tha në atë kohë shefi i WTA,– Steve Simon.

Sakaq, zyra e Jashtme e Mbretërisë së Bashkuar lëshoi ​​një deklaratë, duke thënë se ishte “jashtëzakonisht e shqetësuar” për të, ndërsa Kombet e Bashkuara thanë se kërkonin prova për vendndodhjen e zonjës Peng.

Zonja Peng, një ish lojtare në çift, e renditur në numrin një të tenisit, postoi një akuzë për ish-zëvendëskryeministrin Zhang Gaoli në faqen e mediave sociale kineze Weibo në fillim të nëntorit.

Ajo pretendoi se ishte detyruar të kryente marrëdhënie seksuale me Zhang, në një postim që u hoq disa minuta më vonë. Ishte hera e parë që një pretendim i tillë është bërë kundër një prej liderëve të lartë politikë të Kinës.

B.T (Dosja.al.)

Cila mendoni se është alternativa më e mirë:

View Results

sport sport peng shuai se presidenti i saj steve simon thomas bach ylli kinez i tenisit peng shuai se presidenti i saj steve simon thomas bach ylli kinez i tenisit

Sondazh

Poll

MË SHUMË