Aktualitet

Vrau të riun në Elbasan, Hida: Isha i dehur, Kovaçi më ngacmonte motrën, s’di si ika

8 Nëntor 2021, 14:03 Nga DOSJA
Vrau të riun në Elbasan, Hida: Isha i dehur, Kovaçi më

ELBASAN– Ardit Hida, 24-vjeçari që vrau me thikë Florenc Kovaçin dhe i plagosi të vëllanë, Mikel Kovaçi ka deklaruar para trupës gjykuese se ka qenë në gjendje të dehur në momentin që e ka kryer krimin. Në momentin që Hidës i është caktuar masa “arrest me burg”, ai ka treguar se kishte shkuar të takonte dhe paralajmëronte vëllezërit Kovaçi që të mos i ngacmonin të motren, të cilën shprehet se e ka vetëm 14 vjeçe.

Hida tregon se vëllezërit Kovaçi e kërcënuan dhe se për këtë arsye ai nxorri thikën dhe i qëlloi të dy. Më pas shton se është larguar nga vendi i krimit pa e kuptuar as vetë se si.

“Pasi kam pirë edhe një birrë tjetër në një lokal në një rrugicë aty afër ku ndodheshin dy vëllezërit Kovaçi dhe një tjetër shkova te ata dhe e paralajmërova atë që të mos e ngacmonte kurrë më motrën time minorene 14 vjeçe. Por ata reaguan duke më kërcënuar se do më bënin atë që nuk merret me mënd. Pas kësaj m’u errën sytë dhe nxora biçakun që kisha me vete që e kisha marrë për vetëmbrojtje dhe nuk mbaj mënd se çfarë kam bërë. Pasi u përlesha me 19-vjeçarin Mikel Kovaçin që donte ta kishte me zor time motër ndërhyri dhunshëm i vëllai që më qëlloi dhe e kam qëlluar për vetëmbrojtje. Më pas i gjakosur jam larguar nga aty dhe nuk e di sesi kam shpëtuar kokën. Më vonë më ka kapur policia dhe ende jam ne gjendje shoku,”- mësohet të ketë thënë Hida. 

(F.m/dosja.al)

Cila mendoni se është alternativa më e mirë:

View Results

aktualitet aktualitet ardit hida florenc kovaci mikel kovaci sherr me thika ne elbasan ardit hida florenc kovaci mikel kovaci sherr me thika ne elbasan

Sondazh

Poll

MË SHUMË