Sport

‘Historia’ Barça-Koeman ka përfunduar, argjentinasi Gallardo një tjetër kandidat

28 Tetor 2021, 06:00 Nga DOSJA

SPANJE – Është e lehtë të parashikohet, se telefoni i Xavi Hernandez është shumë i zënë, ish-truri i Barçës së Guardiolës, është kandidati numër një për të marrë në duar frenat e Barcelonës. Tani duhet të shohim nëse ai do të pranojë të ulet në pankinën e ekipit të tij të preferuar dhe të marrë një ekip në vështirësi të dukshme, i nënti në ligë (15 pikë nga 30, në 10 javë) dhe në rrezik serioz të eliminimit në Champions League.

Jordi Cruijff, një punonjës i klubit dhe i biri i legjendës Johan, e bëri të qartë disa javë më parë se nuk donte të pasonte bashkëkombasin Koeman. Kishte një këmbëngulje edhe për Andrea Pirlo, një fiksim i Laportës, një kandidaturë që kishte rënë me kalimin e kohës.

Kandidaturë tjetër e huaji është ajo e ‘Muñeco’ Gallardo, argjentinasit që ulet në stolin e River Plate. Gjithçka kërkon një përshpejtim të bujshëm: Barça luan të shtunën në “Camp Nou” me Alaves dhe të martën në Kiev me Dinamon. Nëse nuk gjendet një zëvendësues në stol, do të largohet ish-mbrojtësi i Barçës, Sergi Barjuan, aktualisht trajner i ekipit të dytë.

“Heroi” i Wembley 1992, ai që u dha katalanasve Champions League e tyre të parë, nuk mund t’i rezistonte krizës së madhe të Barcelonës. Koeman mësoi shkarkimin e katërt në karrierën e tij. Tani do të shohim se si do të jetë zëvendësimi i tij.