Politike

Buxheti i 2022-shit, fond rezervë për pastrimin e mbetjeve, Tiranën e fermerët

22 Tetor 2021, 15:33 Nga DOSJA

Buxheti i 2022-shit, fond rezervë për pastrimin e mbetjeve,

TIRANË– Ministrja e Turizmit, Mirela Kumbaro deklaroi se mbetjet urbane dhe pastrimi i zonave bregdetare është një nga prioritetet e projektbuxhetit të vitit 2022. Në një deklaratë për mediat pas mbledhjes së zhvilluar me qeverinë. Kumbaro tha se do të ketë një fond rerezve për mbetjet që do të ecë paralel me performancën e bashkive, sidomos në bashkitë bregdetare. Ajo shtoi se do të ketë gjithashtu një rikualifikim të të gjithave pikave hyrëse dhe dalëse në Shqipërisë.

” Në buxhetin e vitit 2022 është mbështetur pastrimi i territorit dhe të mbetjeve me një buxhet që do i japë mundësisë që të ndërhyjë me instrumente për të mbështetur Bashkitë. Fond rerezve për mbetjet që do të ecë paralel me performancën e bashkive, sidomos në bashkitë bregdetare. Ndërhyrje e qeverisë dhe fondi rezervë. Rikualifikim të të gjitha pikat hyrëse në të gjithë Shqipërisë. Prioriteti i bregdetit për zhvillimin e turizmit dhe menaxhimin e mbetjeve janë kryesore,”- tha Kumbaro.

Ministrja e Bujqësisë, Frida Krifca tha se prioritet do të jetë mbështetja e fermerit dhe e peshkatarëve. Ajo tha se flota e peshkatarëve do të rinovohet dhe se do të injektojnë financim aty ku produktiviteti do të jetë i lartë që të lidhen të gjitha hallkat e zinxhirit ushqimor.

E pyetur nëse ka një plan konkret për mbështetjen e fermerëve të cilët nuk arrijnë ta shesin të gjithë prodhimin, Krifca tha se qëllimi është që produktet të përpunohen e të dalin sërish në treg.

“Buxheti i 2022 do mbështesë objektivat e qeverisë për mandatin e ardhshëm. Do mbështeten fermerët që nga prodhimi deri në agropërpunim, peshkatarët, anijet dhe flota e peshkatarëve, për një zotim që ne kemi mbajtur tashmë përmes këtij buxheti. Ne do të injektojmë financim aty ku produktiviteti do të jetë i lartë që të lidhim të gjitha hallkat e zinxhirit ushqimor. Buxhet për bazën e bujqësisë, që është siguria ushqimore, do investojmë në rritjen e kapaciteteve të institucioneve që ruajnë sigurinë ushqimore në vend, teknologjinë e tyre. Do mbështesim turizmin rural, një prioritet i vendosur në tre vitet e fundit, sepse është një motor zhvillimi. Do të rinovohet flota e peshkatarëve. Investimi do të shkojë direkt tek fermerët. Në javët në vijim do të japim detajet se si do të bëhet ky investim. Do të shtojmë vlerën e produktit në Shqipëri. Investime do të shkojnë edhe për dixhitalizimin e sistemit në bujqësi. Është një buxhet i menduar mirë për të zgjidhur problematikat. Mbështetja e buxhetit do shkojë nga fermeri, nga prodhimi deri tek agropërpunimi. Kemi dëshirë të shtojmë vlerën e produktit në Shqipëri. Pra, ne të mos kemi mundësi ta shesim domaten kokërr, por duke e përpunuar atë,”- tha Krifca.

Ministrja e Shtetit për Rininë dhe Fëmijët Bora Muzhaqi tha se buxheti gjithashtu ka plane për fëmijët.

“Do të përfshijë pjesën sportive. Jemi duke punuar për një program për koduesit e rinj. Deri në fund të vitit tjetër do të jetë gati. Qendra kombëtare kultororë e fëmijëve do të ketë një buxhet të veçantë. Tirana është bërë kryeqyteti i rinisë tone,”- tha ajo.

LAJM KRYESOR:Buxheti 2022/ Rriten pagat, bonus për policët! Shpronësohen Sarajet e Toptanëve

(F.m/Dosja.al)

Cila mendoni se është alternativa më e mirë:

View Results

politike politike bora muxhaqi frida krifca kumbaro mirela bora muxhaqi frida krifca kumbaro mirela