Bota

Shoferi harron vogëlushen 2 vjeçe në autobusin e kopshtit, një kalimtare i shpëtoi jetën kur e dëgjoi tek qante

21 Shtator 2021, 17:39 Nga DOSJA
Shoferi harron vogëlushen 2 vjeçe në autobusin e kopshtit,

GREQI – Gjithçka filloi kur  mëngjesin e djeshëm, autobusi i kopshtit i dorëzoi fëmijët në kopshtin e Varkizës dhe shoferi u kthye në shtëpi. Gjatë gjithë kësaj kohe askush nuk e vuri re se një vajzë dy vjeçare kishte fjetur brenda autobusit.

Shoferi u kthye në shtëpinë e tij në në Voula, ndërsa për vajzën e vogël nuk u interesua askush nga kopshti gjatë gjithë ditës. Në një moment vajza e pafat u zgjua dhe kuptoi se ishte mbyllur brenda, ndërkohë nxehtësia dhe dritaret e mbyllura e bënin atmosferën brenda autobusit mbytëse. Rreth katër orë më vonë, në orën 12:00, ndërsa foshnja po qante dhe ulërinte, një grua dëgjoi zërat e saj dhe thirri policinë. Më pas shoferi u lajmërua dhe më në fund vajza dy vjeçare u la e lirë.

Prindërit u njoftuan menjëherë, të cilët ngritën një padi kundër shoferit për ekspozimin ndaj rrezikut të një të mituri. Shoferi, edukatorja, drejtori dhe pronari i kopshtit u dërguan në komisariat. Prokurori që trajtoi çështjen kërkoi para çdo procedure tjetër që të mblidhte të gjithë informacionin dhe dëshmitë e nevojshme që do të plotësonte dosjen e çështjes dhe kjo ka shkaktuar shqetësim të prindërve,  të cilët i morrën fëmijët e tyre të zemëruar nga kopshti.

“Mund të ketë qenë një gabim njerëzor, por çdo gjë ka një kufi. Ata nuk na telefonuan, ne u informuam nga një gazetë. Ne u trembëm dhe do t’i marrim fëmijët në shtëpi”, thanë prindërit jashtë kopshtit.

(m.k/dosja.al)

Iftar dhe politikë, a u prek Muaji i Ramazanit nga politikanët?

View Results

rajoni rajoni harroi 2 vjeçaren ne autobus harroi 2 vjeçaren ne autobus

Sondazh

Poll

Bota 21 Shtator 2021, 15:56

SERBI– Presidenti i Serbisë, Aleksandër Vuçiç, është shprehur se nuk dëshiron tu përgjigjet deklaratve të bëra nga presidenti i Koroacisë, Z...