Bota

Salih Mustafa del sërish para Gjykatës Speciale, dëshmitari: Më dhanë çokollatë, pastaj më grushtuan

20 Shtator 2021, 06:24 Nga DOSJA
Salih Mustafa del sërish para Gjykatës Speciale, dëshmitari:

HAGË- Ish-pjesëtari i UÇK-së, Salih Mustafa ka dalë sot në seancën e radhës para trupës së togave të zeza të Gjykatës Speciale në Hagë. Në seancën e sotme do dalin dy dëshmitarë, të cilët kanë për të dëshmuar kundër Salih Mustafës. Dëshmitari i parë, i cili doli u shpreh dy persona e kanë ndaluar atë në rrugë, të veshur me uniforma si ato të UÇK-së, dhe ja kanë futur kokën në thes.

Ai shtoi se në uniformat e tyre nuk pa asnjë emblembë që mund t’i identifikonte ata, ndërkohë që sipas tij, ata u prezantuan si pjesëtarë të UÇK-së, dhe e kanë çuar atë në Zllash. Ata para se ta dhunonin atë, i kanë ofruar tij një çokollatë dhe më pas e kanë grushtuar në fytyrë.

Seancën e kaluar Mustafa deklaroi se është i pafajshëm dhe braktisi seancën pasi sipas tij asnjë nga akuzat e lexuara nga prokurori i Dhomave të Specializuara të Kosovës, Jack Smith nuk ishte e vërtetë. Smith tha se të gjitha viktimat e komandant “Calit”, siç njihet Mustafa ishin shqiptarë të Kosovës. Ish-pjesëtari i Ushtrisë Çlirimtare të Kosovës (UÇK) është i arrestuari i parë nga Specialja ku më 12 qershor 2020 është konfirmuar aktakuza ndaj tij, kurse arrestimi i tij u bë me 24 shtator, ku po të njëjtën ditë, ai është transferuar në objektin e paraburgimit në Hagë. Më 24 shtator ishin bërë publike edhe aktakuza ndaj Mustafës.

Aktakuza kundër tij për ndalim arbitrar, trajtim mizor, torturë dhe vrasje të paligjshme është konfirmuar në qershor të vitit të kaluar. Krimet për të cilat akuzohet Mustafa, sipas aktakuzës, dyshohet se janë kryer gjatë muajit prill të vitit 1999 në një qendër ndalimi në fshatin Zllash që ndodhet në rrethinën e Komunës së Prishtinës.

(I.A;d.a/dosja.al)

Iftar dhe politikë, a u prek Muaji i Ramazanit nga politikanët?

View Results

diaspora rajoni jack smith kosova ne hage salih mustafa del para gjykates speciale jack smith kosova ne hage salih mustafa del para gjykates speciale

Sondazh

Poll

Bota 20 Shtator 2021, 07:17

KOSOVË- Ditën e sotme qeveria e Kosovës ka futur në fuqi reciprocitetin ndaj Serbisë përsa u takon targave të automjeteve. Sipas këtij vendimi, të gjitha a...

MË SHUMË