VLORË– Ferdinant Llanaj, një emër jo i panjohur për policinë është vënë në pranga. Njësia operacionale e Tiranës dhe ajo e Vlorës zhvilluan ditën e djeshme një aksion blic anti-kanabis në Vlorës, duke arrestuar tre persona.
Në operacionin “Otima” u arrestuan 43-vjeçari Ferdinant Llanaj, 43 vjeç, i njohur me pseudonimin “Robi”, 54-vjeçari Dritan Begaj, banues në Vlorë dhe 21-vjeçari Ergi Cura, banues në Librazhd.
Policia ushtroi kontrolle në banesa dhe përreth territorit të banesës së Ferdinant Llanaj u gjetën rreth 600 bimë kanabis sativa të kultivuara dhe një sasi e vogël në formë boçesh.
Llanaj është person i njohur për policinë e Vlorës, si pjesë e bandave dhe krimit të organizuar. Më 1 tetor të vitit 2017 ai mbeti i plagosur, në rrjedhën e një sërë atentatesh të ndodhura në qytetin bregdetar, të cilat dyshohet se kanë lidhje me konfliktet e vazhdueshme me fisin Llanaj.
NJOFTMI I POLICISË:
Finalizohet me sukses operacioni policor i koduar “Otima”, për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike. Operacioni i zhvilluar nga Drejtoria Vendore e Policisë Vlorë, Forcat Speciale RENEA dhe Drejtoria e Forcës së Posaçme Operacionale, nën drejtimin e Drejtorisë së Përgjithshme të Policisë së Shtetit. Vihen në pranga 3 shtetas, njëri prej tyre me precedent të mëparshëm kriminal. Sekuestrohen 4 automjete, dy prej tyre të blinduara, 6 aparate celular, një shumë parash dhe një sasi lënde narkotike kanabis. Në vijim të kontrolleve të pandërprera në të gjithë qarkun Vlorë, si dhe në zbatim të planit të masave për parandalimin, evidentimin dhe goditjen e veprimtarisë kriminale në fushën e kultivimit dhe prodhimit të narkotikëve, bazuar edhe në informacionet e marra në rrugë operative se në zonën e Otimës në Selenicë, persona me precedent kriminal kishin kultivuar bimë narkotike, nga Drejtoria Vendore e Policisë Vlorë, në bashkëpunim me Forcat Speciale RENEA dhe Forcën e Posaçme Operacionale, nën drejtimin e Drejtorisë së Përgjithshme të Policisë së Shtetit, u finalizua operacioni policor i koduar “Otima”, në kuadër të të cilit u bë arrestimi i shtetasve: F. Ll., 43 vjeç, banues në Selenicë (me precedent të mëparshëm kriminal), D. B., 54 vjeç, banues në Vlorë dhe E. C., 21 vjeç, banues në Librazhd. Këta shtetas, në bashkëpunim me njëri-tjetrin, kishin kultivuar një numër të konsiderueshëm bimësh cannabis sativa në ambientet e banesës së shtetasit F. Ll. dhe në ambientet përreth një objekti po në pronësi të këtij shtetasi, në vendin e quajtur “Përroi i Otimës”, Selenicë. Gjatë kontrolleve të ushtruara në këto ambiente, u gjetën dhe u sekuestruan në cilësinë e provës materiale një sasi lënde narkotike kanabis, 4 automjete, dy prej tyre të blinduara, 6 aparate celular dhe një shumë parash. Materialet i kaluan Prokurorisë pranë Gjykatës së Shkallës së Parë Vlorë, për veprat penale “Prodhimi dhe shitja e lëndëve narkotike” dhe “Kultivim i bimëve narkotike”, kryer në bashkëpunim.
(A.B)/Dosja.al
Iftar dhe politikë, a u prek Muaji i Ramazanit nga politikanët?
GJIROKASTËR– Ngjarja e rëndë që ndodhi mesditën e djeshme në aksin Sarandë- Gjirokastër në vendin e quajtur qafa e Muzinës, la pas 5 viktima. Për këtë ngja...
BULQIZË– Eksplozivi që u vendos në një makinë në Bulqizë, ishte në pronësi të Elton Debreshit, ish-kandidatit të pavarur për deputet në Dibër në zgjedhjet ...
BULQIZË– Një mjeti iu është vendosur eksploziv në Bulqizë. Policia raporton se ngjarja ka ndodhur në orën 01:00 të mbrëmjes së sotme. Sasia plasëse ë...
MALESI E MADHE- Personi në foto, është Sokol Çelaj i cili u qëllua me armë zjarri mbrëmjen e djeshme në fshatin Reç. Ndaj tij u qëllua me 8 plumba...
DURRËS– Afganët që mbërritën sot në Rinas janë zhvendosur në Durrës. Në pamjet e siguruara nga Top Channel, shihet grupi i parë me 121 shtetas afganë nga ...
Grupi i qytetarëve afganë që do të strehohen përkohësisht në Shqipëri mbërriti në aeroportin ushtarak në Rinas, pak minuta pas orës 03:00 të mëngjesit të së pre...
TIRANË– Vendi ynë sot do të mbizotërohet nga alternime kthjellimesh dhe vranësirash duke sjellë mot të qëndrueshëm, por priten reshje me intervale të...
MALËSI E MADHE– Sokol Çelaj nga fshati Reç i Malësisë së Madhe u ekzekutua mbrëmjen e djeshme me armë zjarri pranë banesës së tij. Ngjarja ka...
TIRANË– Burra, gra, fëmijë dhe të moshuar afganë mbërritën mbrëmjen e sotme në Rinas. Ata u pritën nga ministrja Olta Xhaçka, kryeministri Edi Rama ...
TIRANË– Në Shqipëri ka mbërritur grupi i parë me 121 afganë. Pas orës tre të mëngjesit, në zonën Ushtarake në Rinas u ul avioni i cili kishte afganët që i ...