Sport

La Liga ngrin Barçën: “Nuk ka mundësi për të firmosur me Messin”

16 Korrik 2021, 07:25 Nga DOSJA
La Liga ngrin Barçën: “Nuk ka mundësi për të

SPANJE – Barça është e vendosur të mos e lerë Messin të largohet nga klubi, pavarësisht se argjentinasi u shndërrua në lojtar të lire këtë verë

Kontrata e gjashtë herë fituesit të “Topit të Artë” përfundoi zyrtarisht në 30 qershor, që do të thotë se ai aktualisht nuk i përket asnjë klubi

Pavarësisht interesimit nga Paris Saint-Germain dhe Manchester City, ai nuk ka gjasa të largohet nga “Nou Camp” dhe jo vetëm kaq, por ai do të nënshkruajë një kontratë të re pesë-vjeçare.

Mediat spanjolle thonë, se një pjesë e kësaj kontrate do të jetë si ambasador i klubit, kur ai të lëvizë për të luajtur në “Major League Soccer” në Amerikë, siç parashikohet në kontratën e tij të re.

Gjëndja e rënduar financiare e Barcelonës lidhet ngushtë me problematikën e regjistrimit të lojtarëve të rinj, pasi skuadra katalanase ka tejkaluar kufirin financiar që kanë skuadrat në La Liga. Presidenti i saj Tebas ka konfirmuar se ai nuk do të ndryshojë rregullat për Messin.

“Jo, unë nuk do të mbyll sytë për Messin, është e pamundur, – tha ai. – Ka shumë punonjës në LaLiga që kanë këtë problem dhe ka një kufizim ekonomik gjithashtu. Ne duhet të ruajmë integritetin e LaLiga.

Ne shpesh duhet t’u shpjegojmë [kontrollet ekonomike] agjentëve dhe lojtarëve, sepse ata nuk dinë për këtë, ose mendojnë se klubet po i mashtrojnë dhe na është dashur ta shpjegojmë atë në vitet e fundit.

Ne do të duhet të analizojmë gjithçka siç duhet, sepse nëse ka pushime nga puna për arsye ekonomike, por që t’i hapin vend Messit dhe të tjerëve… ne do të duhet ta mbajmë nën vëzhgim atë,”- tha Tebas.

“Tani për tani unë mund të jap vetëm mendimin tim, dhe më bën habi ë nuk ka pasur asnjë ofertë për Messin nga Manchester City ose Paris Saint-Germain. E besoj plotësisht këë gjë dhe se lojtari dëshiron të qëndrojë”.

Barcelona do të largojë Antoine Griezmann drejt Atletico Madrid në ditët e ardhshme, me sulmuesin francez që ka vendosur të kthehet në ish-klubin e tij, dy vjet pasi ka shkuar drejt katalanasve për 108 milionë £ në “Nou Camp”.

Dhe Tebas shpjegoi se ai beson se të dy klubet po përpiqen të përballojnë humbjet financiare të bëra në vitet e fundit.

“Klubet e mëdha janë prekur nga kriza financiare dhe kanë patur probleme kur kanë shkuar në kufijt e lejuar…”– tha Tebas.

Në rastin e Atleticos, ne po flasim për një borxh të madh, por është gjithashtu e vërtetë që ata kanë kapacitet për ta ripaguar dhe rifinancuar atë.

Ju duhet të mendoni për buxhetin nga një perspektivë afatgjatë, prej rreth tre ose katër vjetësh.”

B.T (Dosja.al)

Iftar dhe politikë, a u prek Muaji i Ramazanit nga politikanët?

View Results

sport sport

Sondazh

Poll

MË SHUMË