Sport

Levandovski: “Unë jam 9, më i kompletuari, por jo në nivelin e Mesit dhe Ronaldos”

24 Dhjetor 2020, 07:47 Nga DOSJA

Levandovski: “Unë jam 9, më i kompletuari, por jo në

GJERMANI – Pak keqardhje. Ai fitoi gjithçka. Viti 2020 ishte i veçantë për polakun Robert Levandovski. Ai e mbylli sezonin 2019-20 duke fituar treshen me Bayern. Në Bundesligë, Champions League dhe Kupën e Gjermanisë, ai është lojtari që ka shënuar më shumë.

Ai filloi sezonin 2020-21 duke fituar edhe Superkupën e Gjermanisë dhe Superkupën e Europës. Megjithatë, për shkak të koronavirusit, ai nuk e fitoi “Topin e Artë”. Në fakt u vendos që të mos jepet çmimi, edhe pse ai dhe Bayern u përpoqën pa pushim që ai të jepej si çdo vit. Gjithsesi, Levas fitoi çmimin “Fifa Awards” si “Lojtari më i mirë i vitit 2020”.

Krahasimet? I intervistuar nga “France Football”, Levandovski ka sqaruar se ai nuk ndihet gjithsesi në nivelin e Kristiano Ronaldos dhe Mesit: “Ata kanë qenë ulur në të njëjtën tryezë për vite me radhë, – shprehet Leva. – Kjo i bën ata unikë, jo të krahasueshëm me të tjerët. Në këtë kuptim, unë nuk e vendos veten në të njëjtin nivel me ta. Nëse shikojmë numrat e vitit të kaluar dhe disa sezoneve të fundit, unë mendoj se për sa i përket performancës dhe golave të shënuar, kam shkuar mjaft mirë. Por unë nuk jam në të njëjtën tryezë me ta. Por unë mund t’i ftoj për darkë ata … ”.

Si një sulmues i pastër, sidoqoftë, Levandovski nuk ndihet inferior ndaj askujt: “Këtë sezon mendoj se kam qenë sulmuesi më i plotë në botë. Me përulësinë më të madhe, sepse në çdo rast varet gjithmonë nga skuadra dhe askush nuk është i imunizuar nga rënia apo dëmtimi. Por duhet të them, se për mua nuk ka rëndësi të jem më i miri sot. Kjo vlen të jetë deri në fund të sezonit”.

Ançeloti? Levandovski gjithashtu i kushton një pasazh Ançelotit, i cili e stërviti atë te Bayern, midis 2016-2017: “Nëse mendoj për të, menjëherë mendoj për njeriun, për mënyrën e tij të komunikimit me lojtarët. Si edhe për Hejnkes. Ata janë njerëz të ndershëm dhe trajnerë të mëdhenj. Ançeloti është një njeri shumë i qetë, i cili përcjell shumë emocione. Kjo ju ndihmon të relaksoheni në fushë. Ai ka fituar shumë tituj. Gjithçka që ai thotë tingëllon autentike”.

Keqardhja? Pak janë si golat e Levandovskit, i cili me Bayern shënoi 75 në 65 ndeshjet e fundit të luajtura (nga fillimi i sezonit 2019-20 e tutje). Arsyeja pse në 2020-ën e tij me plot suksese ka edhe vend për pak keqardhje të madhe. Ajo e lidhur me “Topin e Artë” që vetëm koronavirus ia mohoi.

B.T (Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport france football kristiano ronaldo lionel mesi robert levandovski sulmuesi i bayern mynih france football kristiano ronaldo lionel mesi robert levandovski sulmuesi i bayern mynih