Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË- Presidenti Ilir Meta ka dalë konferencën e radhës për shtyp me gazetarët, ku edhe ka paraqitur pyetjet që i ka drejtuar Komisionit të Venecias për ndryshimet në kodin Zgjedhor. Kreu i shtetit ka bërë me dije se ka dërguar në Komisionin e Venecias ndryshimet në Kodin Zgjedhor.
“Është momenti i duhur se kam kërkuar për një opinion urgjent mbi procesin e ndryshimit të njëanshëm të Kushtetutës dhe Kodit Zgjedhor, drejtuar Komisionit të Venecias. Presidenti pas paraqitjes së një kërkesë zyrtare të opozitës së bashkuar dhe në funksion të shmangies së një krize tjetër për të kontribuuar për stabilitetin e vendit, iu drejtua Komisionit të Venecias me një kërkesë për të dhënë opinionet e mëposhtme,”-tha Meta.
PYETJET
1. A mund të ndryshohen në mënyrë të njëanshme rregullat themelore që rregullojnë konkurrencën zgjedhore, veçanërisht rregullat në lidhje me transformimin e votave në mandate midis konkurrentëve, pasi të ketë filluar procesi zgjedhor, dhe vetëm 6 muaj para datës së zgjedhjeve? Sa e rëndësishme është qëndrueshmëria e legjislacionit zgjedhor dhe njohja e ligjit nga konkurrentët zgjedhorë mjaftueshëm kohë përpara zgjedhjeve, për vet cilësinë dhe besueshmërinë e zgjedhjeve?
2. Nëse rregullat, veçanërisht ato që kanë të bëjnë me transformimin e votave në mandate midis konkurrentëve, ndryshohen në mënyrë të njëanshme dhe shumë afër datës së zgjedhjeve, në mënyrë që të sigurojnë avantazh për partinë që ka paraqitur ndryshimet, a dëmtojnë ose ndikojnë këto ndryshime parimet e qëndrueshmërisë së ligjit, sigurisë juridike dhe rregullave të barabarta të lojës (konkurrimit), të cilat janë kyçe për të përmbushur angazhimet e OSBE së për zgjedhje demokratike? A e komprometojnë këto ndryshime procesin zgjedhor ? A e kompromentojnë ato gjithashtu stabilitetin politik nëse bëhen në kundërshtim me konsensusin e 24 janarit dhe 5 qershorit të arritur nga shumica e partive politike?
3. A shkelet përfundimisht parimi i garancive procedurale nëse ndryshime të tilla në ligjin zgjedhor të miratuara njëanshmërisht dhe me nxitim bëhen në mungesë të një Gjykate Kushtetuese funksionale e cila mund të kontrollojë pajtueshmërinë e tyre me Kushtetutën dhe me standardet e Konventës Evropiane të të Drejtave të Njeriut?
4. Ndërsa ndryshimet e njëanshme në Kushtetutë dhe Kodin Zgjedhor të 30 korrikut dhe 5 tetorit nuk ishin pjesë e rekomandimeve të hershme të OSBE/ODIHR për Shqipërinë, a është procedura urgjente një motiv i ligjshëm për të justifikuar ndryshimet e njëanshme nga një
Parlament i kontestuar, që nuk ka kuorumin kushtetues prej 140 deputetësh? A kishte ndonjë nevojë shtrënguese sipas standardeve ndërkombëtare për t’i modifikuar ato në mënyrë të
njëanshme?
5. A është dispozita e futur rishtazi në Kodin Zgjedhor, për të drejtën e Kryetarit të një partie politike për të kandiduar në 4 qarqe zgjedhore, në përputhje me standardet ndërkombëtare dhe veçanërisht me parimin e mos-diskriminimit midis kandidatëve dhe votuesve?
6. A e pengojnë rregullat aktuale në për mbledhjen e votave dhe shndërrimin e tyre në mandate midis konkurrentëve, veçanërisht ato në lidhje me koalicionet zgjedhore dhe formulën përkatëse për ndarjen e mandateve, futjen e listave të hapura për përzgjedhjen e kandidatëve nga votuesit? Në rast se legjislacioni miraton listat e hapura, ndërsa mekanizmi ekzistues i koalicioneve zgjedhore dhe formula përkatëse për ndarjen e mandateve për koalicionet mbeten ashtu siç janë aktualisht në fuqi, a do të ishte legjislacioni përkatës shqiptar në përputhje me angazhimet e OSBE-së?
7. A i dëmton të drejtat e partive politike dhe elektoratit të tyre, imponimi i njëanshëm i ndryshimeve në Kodin Zgjedhor në lidhje me koalicionet parazgjedhore për të kandiduar me një listë unike? (vota e barabartë e kandidatëve të partive të ndryshme politike brenda një koalicioni; e drejta e përfaqësimit ligjor për të mbrojtur interesin e tyre gjatë procesit zgjedhor; e drejta për kohën e transmetimit dhe qasja në media; e drejta e përfaqësimit në komisionet vendore zgjedhore; e drejta dhe transparenca e financimit)?
8. Duke patur në konsideratë situatën, cila do të ishte një zgjidhje e pranueshme për të siguruar një proces zgjedhor në përputhje me angazhimet e OSBE-së dhe standardet europiane për zgjedhje demokratike dhe të dakordësuara nga të gjithë aktorët kryesorë politikë dhe subjektet zgjedhore, në mënyrë që të shmanget një krizë tjetër zgjedhore dhe politike?
LAJMI KRYESOR: Ndryshimet në Kodin Zgjedhor/ Presidenti Meta merr parasysh kërkesën e opozitës, i drejtohet ‘Venecias’, mesazh maxhorancës: Reflektim!
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANE– Sot u zhvillua edhe mbedhja e radhës e Komisionit Rregullator për Zgjedhjet, strukturë e “KQZ-së së Re”, përgjegjëse për organizimin e zgjedhjeve parlam...
TIRANË– Presidenti Ilir Meta, pas kërkesës së opozitës së bashkuar, ka dërguar për opinion në Komisionin e Venecias ndryshimet e bëra në Kodin Zgjedhor. Në...
TIRANË- Një replikë e thjeshtë e deputetit të opozitës së re, Adriatik Alimadhi për të mos votuar Komisionin për Prokurimet Publike gjatë diskutimeve në Ko...
TIRANE– Ditën e sotme në Komisionin e Ligjeve është votuar me shumicë votash marrëveshja e nënshkruar nga qeveria shqiptare me kompaninë Gavi. Kjo konsiston në ...
TIRANE– Ish-deputeti i Partisë Demokratike Klevis Balliu teksa ishte në praninë e disa banorëv të Astirit, ka bërë me dije se gjyqi për proestën e banorëve ësht...
TIRANE– Kryeministri Edi Rama, pas daljes nga takimi në selinë rozë, kreu i mazhorancës foli para gazetarëve ku nuk kurseu sërish polemikat me presidentin Ilir ...
HOLANDË– Fati i Shqipërisë në lidhje me çeljen e negociatave për anëtarësim në Bashkimin Europian do të vendoset në mbledhjen e Këshillit të Ç...
TIRANË– Ish-sheshi “Shqiponja” u bllokuar mëngjesin e sotëm për të vijuar punimet për projektin e Unazës së Madhe. Punimet u “supervizuan” edhe nga kryemin...
TIRANË– Kryeministri Rama mblodhi sërish këtë të hënë në takimin e përjavshëm drejtuesit politikë të qarqeve në vend. Mbledhja mes socialistëve nisi që në ...
